أخبار_عالريق

#أخبار_عالريق 797 يوم
✅يكتبها/ #سعيد_الطويل

■انطخ راجل اسمه محمود دياب براسه من النصيرات وهو بيلعب بالسلاح ..الله يرحمه

■وقع شب صغير اسمه أوسم أبو شمالة يا دوب عمره 17 سنة من فوق عمارة بخانيونس وتوفى مبارح

■توفى كمان شب بحادث سير ذاتي بالضفة وهو رايح على حفلة شب صاحبه

■بالنسبة للعمرة طلعوا فتوى انها حرام شرعاً تتقسط عن طريق البنوك

■المهم اليوم آخر يوم بشهر رجب وضايل هيك 30 يوم بالضبط لرمضان ،ربنا يبلغنا اياه احنا واياكم وانتوا بأحسن حال

■بيقلك السيارة الجديدة إللي جهزها الدفاع المدني بغزة كلفتهم 100 ألف دولار

■الجو بلش يقلب شوية شوية ،وان شاء الله يكون هذا آخر منخفض ويبلغنا الربيع ع خير

■بيحكوا مشكلة بالتصاريح الجديدة بالنسبة للعمال وقاعدين بحلوا فيها .

■وزارة المواصلات معندهاش مشكلة انها تحول السيارات الخصوصي لعمومي مؤقت بغزة

■ مسكوا طن وشوية ملح فاسد برفح ،مع انه بعرف انه الملح بيخربش

■حسب ما سمعت انه شركة جوال منزلة 60 دقيقة اتصال ببلاش ،بس لسة بعرفش تفاصيلها.

■فوق الخمس تنفار انخنقوا من قنبلة للغاز ارتمت في مبارة لكرة السلة بمخيم البريج بنص قطاع غزة

■خدمات المغازي فاز بنهائي كأس كرة السلة بقطاع غزة.

■عدنان أبو حسنة بيقول انه فش ولا موظف عنا انفصل من الوكالة

■محمود العالول صرح انه كل وعود بايدن كذب وتبخرت لما صار رئيس

■بشوف أمور الحرب قالبة تهديد بالنووي والكل قاعد بيهج من عنده.

ما علينا المهم كل واحد مرته مش منكدة عليه عيشته وبتصحى بتضحك بوجه بتلاقي الدنيا بتضحك بوجه ،حتى لو فش بجيبه ولا فلس ..
بس تخيل تصحى لاقيها ضاربارلك بووز شبرين قدامها ، تخيل يومك كيف بده يكون
ومش معناته انه يعمل حاله قنعور ومنحسة معاه زي #أبو_فؤاد ويضل زعاق وكشرة طول اليوم عشان يعمل حاله زلمة
من الآخر #فش_حاجة_مستاهلة

#يسعد_صباحكم 🌹
الخميس 3-3-2022

يسسلموو دياتكك الاممييرر ☆
+ وردهةة

يسلمو ع المتابعة
عوافي

يسلموو لمتابعه المميزه

السلام عليكم ورحمة الله وبركاته



يسلمووووا ع النشرة الاخبارية المنوعة



يعطيك الف عافية



بانتظار جديدك دائما







تحيتي

يسلمو ع النشرة المنوعة
وحسن المتابعة الجيدة
ربي يسعدك ويحفظك
طابت مساءاتك

مشكور للمتابعة و النقل
تحياتي