أخبار_عالريق

#أخبار_عالريق 542 يوم
✅يكتبها/سعيد الطويل
■عشان تكونوا بالصورة ،احنا خشينا بالموجة الثالثة من الكو رونا بغزة.
■اليوم في مسيرة كبيرة عاملاها الفصائل بمخيم العودة شرق غزة.
■مبارح برضه قلط العدد عنا بحالات الكوورنا ال500 حالة .
■ست عمرها فوق الخمسين سنة غرقت ببحر بيت لاهيا وتوفت ،الله يرحمها.
■وشب ثاني اسمه حمزة المقادمة من النصيرات وقع من الدور الخامس ومات برضه الله يرحمه.
■لقيوا جثة شب ميت كمان بطولكرم والشرطة قاعدة بتحقق بوفاته.
■زي اليوم سنة ال69 اليهود حرقوا المسجد الأقصى وطبعا محدش شكمهم من يومها.
■وزي اليوم برضه ذكرى اغتيال العطار وأبو شمالة وبرهوم الله يرحم أروحهم .
■كل الكلام إللي بتسمعوه عن تسكير البلد اشاعات ،فش منه ،بس حيكون في شوية تشديد لحتى الآن ،وحيدقوا عالتطعيم.
■أكثر شغلتين عليهم ضغط بغزة هالأيام برهم الصماط وتصليح المراوح.
■اليوم تنسوش افتتاح فرع دجاج بروست الجديد في رفح لحبيبنا وصاحبنا أبو السعيد بتنورونا .

النشرة اليوم خفيفة ونظيفة ومرضيتش أكثر فيها أخبار عشان أصلا الواحد زهقان حاله وهيك هيك فش ولا خبر كويس يفتح النفس ،غير خرب ابن أم عماد الكبير إللي خطب بعد ما أخذ الجمعية ووافقت عمته تجوزه بنتها بعد ما بنى غرفة ومطبخ وحمام وأموره دحلت ،ضل بس نجيبله شغلانة منيحة ويصير أموره لوز...

#ربنا_يسعدكم_ويمسيكم_بالخير
السبت 21-8-2021🌹

شكرا لنقل والمتابعه امير

مشكور عالنقل اخي

تحياتي

متابعه جيدة أخي
ربي يسعدك ويحفظك يارب

السلام عليكم ورحمة الله وبركاته



يسلموووا ع النشرة الاخبارية المنوعة


يعطيك الف عافية


بانتظار جديدك دائما





تحيتي