أخبار_عالريق

#أخبار_عالريق سنة و40 يوم .
✅يكتبها/سعيد الطويل
■اتفقوا الفصائل بالقاهرة ونزلوا بيانهم انه حتصير الانتخابات موعدها وفش أي تأجيل.
■حكوا بالبيان انه محدش حيعتقل حد لا بالضفة ولا بغزة ، والشرطة الزرقة حتأمن كل الانتخابات وحيأجلوا كل الأمور الثانية لبعد الانتخابات قصدهم زي الرواتب والبطالة والقصص اللي ملهاش لزوم 🤔
■الفصل الجاي بالوكالة حيبدا يوم الأحد الجاي ،يعني يوم عيد الحب يا معلم.
■الشؤون بدها تصرف 700 شيكل لأفين عيلة تقريبا، كمان أسبوعين.
■يوم التلات الجاي آخر موعد للتسجيل للانتخابات ،واليي ما سجلش يسجل لو ناوي.
■توفت بنت صغيرة اسمها ايلين محمد برهوم عمرها "7 سنين" من بيت لاهيا بعد ما وقعت من الدور الرابع.
■وزارة الصحة بتقول انه أكثر من 40%من سكان غزة وصلتهم الكو.ورنا .
■المباحث مسكت وحدة مختلسة نص مليون شيكل من شركة كانت تشتغل فيها وبدها تفكح فيها من المعبر.
■الفصا.ئل حترجع لمصر ثاني الشهر الجاي.
■تعون الجها..د أعلنوا رسمي انهم مش حيشاركوا بالانتخابات.
■حركة الاحرار بدها تشارك بالانتخابات بقائمة لحالها حيقودها خالد ابو هلال.
■كمان أسبوعين حيبلشوا بالبنا بشكل رسمي بمستشفى رفح والشغل حيضل لما تخلص لتلت سنين.
■بيقولوا انه في منخفض قطبي وضعه صعب حيوصلنا الأسبوع الجاي.
■سمك البزرة وشوية سمك عصافير اليوم ما شاء الله مملين الحسبة والسوق.
■مصطفي البرغوثي:بيقول انهم اتفقوا بالقاهرة على انه حق اي مواطن انه ياخذ الجواز الفلسطيني .
■اتفقوا كمان على تنزيل سن الشباب وزيادة عدد النسوان اللي بدهم يترشحوا للتشريعي .
■الفاكهة هاليومين رخيصة شوية وماشي سعرها.