أخبار_عالريق

#أخبار_عالريق سنة و39 يوم
✅يكتبها/سعيد الطويل

■الوفود اليوم حتكمل اجتماعاتها بالقاهرة لليوم الثاني ،وربنا يجيب اللي فيه الخير.
■بقولوا انهم اتفقوا بالاجتماع على انهم يخلصوا قصة الاعتقال السياسي خالص.
■العمادي زاح الستارة عن حجر الأساس رقم سبعة لمستشفى رفح ،وان شاء الله يكون حجر الأساس الأخير.
■الأهلي محالفوش الحظ بكأس العالم للأندية وانغلب اتنين صفر من بيرميونخ.
■الفراولة صارت التلاتة بمية بس مش مية المية.
■من مبارح لليوم 8حوادث سير وسبع اصابات في القطاع .
■لقيوا مبارح طفل رضيع صغير مرمي جنب صالة أفراح بغزة ،الله لا يكسبهم على هيك عملة.
■اليهود مبارح قالوا انهم قصفوا مركب فيه سلا.ح ببحر غزة،بعدين سحبوا الخبر.
■اتحاد الصياديين بيقول انه في طرادات لليهود هاجمت وطخت على مراكب للصيد.
■دوام مدارس الوكالة حيكون 3 تيام بالأسبوع.
■حيرجع دوام الجامعات وجاهي حسب قرار التربية والتعليم.
■حيصرفوا رواتب المياومة بالوكالة من هان لبكرة ان شاء الله.
■توفى شب كانت حالته خطرة بعد ما شنق حاله قبل كم يوم بالوسطى.
■راجل من الشجاعية عمره بالخمسينات حرق حاله مبارح وهيو بالمستشفى وربنا يلطف فيه.
■اليوم حتبلش محاكمة ترامب بتهمة التحريض،حينشفوا ريقه لسة.
■اليهو.د اعتقوا اليوم احدعشر شب من الضفة .
■في سلفيت سكروا كل البلد بعد ما زادت حالات الكو.رونا عندهم.
■اليوم 148 اصابة جديدة بغزة وبالقدس 260 .
■اللي بده ياخذ اللقاح يحط اسمه بتطبيق صحتي تبع وزارة الصحة.
■اهالي المفودين بسفينة 6/9 بيطالبوا المجتمعين بكشف مصير أولادهم قبل ما يروحوا.

🌺