أخبار_عالريق 790 يوم

#أخبار_عالريق 790 يوم
✅يكتبها / #سعيد_الطويل

■حاولت أجمع أخبار عليها العين وعالأقل متنشفش ريقنا عالصبح مزبطش، إلا لو ألفتها من مخي.

■حالة القتل الثالثة بغزة بأقل من أسبوع واحد طعن شب اسمه هشام ياسر السيقلي عمره "28 سنة" في الشجاعية.

■الأسيـ ـر الجدع أحمد عبيدة ضرب وطعن سجان اسرائيلي عشان فكر يعتدي عليه

■أبو مازن سحب جواز السفر الدبلوماسي من ناصر القدوة

■70 ألف عامل من غزة سجل على رابط وزارة العمل عشان يشتغل باسرائيل

■في أسيـ ـر من قباطية اسمه أحمد خزيمة صارله مضرب 3 أيام عشان الاعتقال الإداري.

■بيقلك بوتين طخ مبارح الرصاصة الأولى في الحر.ب العالمية الثالثة اللي حتدمر أوروبا.

■كبشة منح جديدة للدراسة في الجزائر .

■عشرين حالة جديدة ماتت من الكو رونا مبارح هان وبالضفة.

■صورة الجميل المقدسي محمد العجلوني المصاب بمتلازمة دوان لما ضربوه اليــ ـهود وحاولوا يعتقلوه بتوجع القلب.

■عاملين دورة للبنات بغزة عشان يتدربن على فنون القتال ويدافعوا عن حالهم من أي عنف أو خطر

■الجو اليوم وبكرة زي اللوز،مرتب ودرجة حرارته شبه الربيع.

■بيقلك #أبو_فؤاد مبدل 2كيلو لوز أخضر أخذه من أرض عديله ، على جوال شاومي مش مفتوح.

#صباح_الخير للناس إللي زمان ما صبحنا عليهم.. للزهقانين والطفشانين والمفلسين والعيانين والقرفانين والمديونين وإللي منكدات عليهم نسوانهن ..

ولبياعين الكراسي المكسرة والبطاريات الخربانة والمعجون جلي والكلور وعبود تبع العوامة وبسطة أم ربحي إللي بشارع المدارس وأبو مراد سواق المرسيدس ع خط البلد.

#المهم شو ناويين تعملوا مفاجئة بهذا اليوم المميز 22-2-2022 ؟!

#يسعد_مساكم🌹
الثلاثاء 22-2-2022

يسلمو
تحياتي

يسلموو ع النشرة الإخبارية
ربي يسعدك ويحفظك
طابت مساءاتك

ربنا يفرجها ويحسن الحال
يسلمو ع المتابعة
عوافي

تسلم ايدك للمتابعه امير

يسلمو ع المتابعة و النقل امير

أمير خلص ما ضلك تنزل اخبار غزة بتسم البدن هههه

مشكور

يسسلموو الامميرر
+ وردهةة

شكراً لك
تحياتي

كله ولا الكونغ فوو
الله يستر يصيروا الذكور معنفين ههه

سلمت