أخبار_عالريق

#أخبار_عالريق 442 يوم
✅يكتبها/سعيد الطويل
■حيشيع أهلنا برام الله اليوم بكل الحزن الجبل أبو عاصف البرغوثي بعد صلاة الجمعة .
■توفى مبارح كمان بنفس اليوم الدكتور القامات ماجد الفرا ,والدكتور عدنان ابو تبانة برضه من الكو ورنا.
■اليوم الأمور فالتة بزيادة والعدد بغزة لحالها وصل ال 617 اصابة.
■بيقولوا لسة مكتشفوش الطفرة الجديدة ,وفي رواية تانية أصلا فش عنا جهاز عشان نكشفها ,الأمور يعني ماشية بستر ربنا يعني.
■أم جهاد الوزير قالت انه الرئيس اعتمد ملف شh داء ال2014 وحيبلشوا يصرفولهم رواتب عن قريب.
■سلامة معروف بيقول انه تسكير البلد مطروح عالطاولة اذا ملتزمتوش بالاجراءات.
■لسة القوائم الكبيرة مقدمتش ترشيحاتها للجنة الانتخابات.
■أمريكا بدها تدفع خمسطعشر مليون دولار بيقلك هذه زي مساعدة هيك سريعة للضفة وغزة.
■عنا يخوي 100 حالة كو رونا وضعها صعب وخطيرة بمستشفيات غزة.
■بالنسبة لقناة السويس لسة بدها أسابيع عشان ترجع تشتغل بعد ما تعطلت الباخرة العملاقة ومش عارفين يعوموها.
■أبو مازن مقدم مكرمة فيها خمسة وعشرين جهاز أكسجين للصحة.
■احتمال يعملوا انتخابات خامسة للكنيست لو ضلت الأمور هيك .
■وزارة الصحة بتحمل الدكاترة إللي أضربوا عن شغلهم مسؤولية حياة المرضى ومتحلفة انها تلاحقهم قانوينا .
■بكرة اللي بده يشتري شاورما يشتريها عالبدري البلد حتسكر عالتسعة.
■الجاج اليوم بتمنية شيكل ونص الكيلو.
■عشان محدش يلخبط ويضل يقول قديش الساعة..هلحين الساعة لسة تسعة إبلا ربع يعني 8:45 دقيقة،، لأنه في جوالات حتلاقيها مقدمة ساعة لحالها ..الوقت بيكون غلط والليلة لسة حيتغير الوقت عنا.

#صباح_الخير لعيلة البرغوثي الأكابر صغارها وكبارها وبكل ألوانها وتوجهاتها للصابرات فيهم والماجدات للأسر ى وامهات الشهد اء ..لكل واحد فيهم نفسه طيب وبينبض بحب هالوطن ..ربنا يحفظكم ويصبركم .

#صباح_الخير للنايمين على أسرة المستشفيات وبيحاربوا بالكو ورنا بإرادتهم وقوة ربنا والوجع نهشهم وسيطر عليهم ..ربنا يشفيهم ويعافيهم.

#صباح_الخير للدكاترة واللي بيتشغلوا بالمختبرات وللمرضى وللعمال وحتى للكتبة اللي بيرتاحوش بهيك اوضاع بمستشفيات الضفة وغزة والعاصمة.

#يسعد_صباحكم 🌹
صلوا عالنبي محمد صلى الله عليه وسلم
الجمعة 26/3/2021

قبل شوي اشتريت
كيلو الدجاج ب 9.5 شيكل
سلمت يالامير

	السلام عليكم ورحمة الله وبركاته يسلموووووا ع النشرة الاخبارية المنوعة يعطيك الف عافية بانتظار جديدك دائما تحيتي

تانككيوهه
+ وردهه