أخبار_عالريق

#أخبار_عالريق 801 يوم
✅يكتبها /#سعيد_الطويل

■لليوم الثالث بالضفة كل يوم بنصحى أو ببنام على خبر شهــ ـيد جديد غير هدم البيوت والعربدة والاعتقالات إللي صارت روتين يومي .

■عريس جديد اسمه عبد الرحمن جمال قاسم نفذ عمـ ـلية طعن بالقدس، وصاوب اثنين من اليــ ـهود.

■الدنيا حتلاقوها اليوم فايعة شوية عالفيس والوزارات مسكرة والمدارس معطلة عشان عيد المرأة وخلينا ساكتين أحسن ومحدش يقول ليش فش عيد للزلمة.

■ع فكرة إذا في نسوان بدها تروح على عيادات الوكالة حتلاقوها فاتحة فش مشكلة قولي لسلفتك.

■اجازة المدارس تبعت الربع الثالث أجلوها شوية لتاريخ 6-5 .

■قصة انه عيد المرأة كان أصلاً ب6-3 وتأجل شوية لما خلصت مكياج صار ب8-3 اشاعة 🙂

■التوقيت الصيفي حيتغير عنا ب27-3 عشان نقدم الساعة زيادة ساعة لقدام.

■كلها أسبوعين بالكثير ونودع فيه شتوية صعبة مليانة منخفضات وكئآبة.

■بيقلك جيجي حديد بدها تتبرع بالمصاري تبعت عروض الأزياء لأوكرانيا وفلسطين

■ع ذمة #أم_عدنان بيقلك المعلمة حكت لبنت روحي امسحي المكياج انتي جاية على مدرسة مش على عرس
راحت البنت جابت أمها وخلاتها وستها وتهجموا على المدرسة بخانيونس مبارح

■عيلة أبو ستة وعشيرة الترابين نزلت بيان بتهدد فيه إللي قتل ابنهم محمد في بلجيكا

■الاتحاد الأوروبي لسة بده يناقص قصة موازنة السلطة وشيكات الشؤون إللي محدش مدور عليهم

■سعر الحديد ارتفع عنا بيومين بس فوق الألف شيكل ،والوضع للبناء والمشاريع صار صعب

■سعر كيس الطحين الكبير الخمسين كيلو ارتفع سعره برضه ومحدش يقلي فش احتكار

#صباح_الخير خص نص لكل أم و أخت وزوجة وسلفة وحماة وضرة و أسيـ رة وأم شهــ ـيد وكنة وخالة وعمة ومرت خال ولمرت العم ولكل وحدة بتشتغل ولكل وحدة جوزها بدوش إياها تشتغل ، وللي جوزها منشف ريقها ،وللي الها أسبوع ونص لاوية بوزها

#صباح_الخير لكل ست تعبّت وربّت وعلمّت وكبّرت وحوَشت وجوَزت وسَندت ودَعت وصلّت وبنّت وتداينت وصمدت وتحملت عشان تصير زي الشحط وتقعد تزورها كل أسبوعين مرة .

#يسعد_صباحكم ومعلش احنا اليوم ملناش كلمة ..
الثلاثاء 8-3-2022 🌹