أخبار_عالريق

#أخبار_عالريق 411 يوم
✅يكتبها/سعيد الطويل
■هذا المنخفض شغال علينا المرة هذه بذمة و ضمير ,والسقعة اللي شفناها فيه مشفنهاش من سنين ولسة بيقلك ضايل عنا لبعد بكرة كمان.
■اليوم كل الضفة مسكرة بالكامل وبغزة فش لا مدارس ولا جامعات .
■بالنسبة لعيادات الوكالة يختي يم عماد شغالة بس لو مش ضرروي تطلعيش من الدار الجو بهدلة.
■لخموا الدنيا مبارح على كرتونة اللقا.ح اللي دخلوها اليهود النا ع غزة غصب عنهم.
■حكموا مبارح بغزة بالاعدام على شادي الصوفي المتهم بقتل العميد جبر القيق.
■مبارح كمان افرجوا بالضفة ع كلامهم بشكل مؤقت عن المتهمين بقتل اسراء غريب وكل واحد يدفع عشر تلاف دينار ويادار مادخلك شر.
■الكيالي بده يثبت تبعون عقود ال2019 ويوظفهم بشكل رسمي.
■قصة انه العمادي لم كشوفات الموظفين بغزة وقعد يجمع ويطرح فيهم هذه اشاعة اللي طلعها واحد مفلس.
■وخبر انه حسين الشيخ صار كبير المفاوضين كمان اشاعة طلعها واحد زهقان...يعني القصتين فش منهم.
■قبيلة الترابين نزلت بيان استنكرت فيه حكم الاعدام على ابنها شادي الصوفي.
■مصدر موثوق بيأكد انه اختفت عدوة الكنافة النابلسية وصورها بهذا المنخفض .
■صحيح قبل ما ننسى اليوم كل بنوك سلطة النقد مسكرة بالضفة وغزة.
■بالنسبة لمحطة الطاقة الشمسية اللي وقعت مبارح ,الله يعوض صاحبها خير ..مش هي اللي عملوها البنات المهندسات .
■كذا حادث سير واكثر من لوح زينقو طار مبارح وكبشة ألواح اسبست وقعت واتسكرت بمخيمات غزة.
■حريقة صارت ببيت بغزة واتصاوب فيها سبع تنفار منهم اصابة خطيرة.
■روحي فتوح مبارح وصل غزة بعد الظهر عشان يتابع قصة الانتخابات.
■اشتية حكى مبارح انه بدنا نشوف حل جذري لمشكلة كهرب غزة.
■البزيلا الأربعة بمية والفراولة الرطل بعشرة شيكل .
■الجاج معرفتش سعره اليوم بس بظنش يزيد عن تسعة شيكل.

#صباح_الخير للأم السكرة اللي قلبها طيب وقامت من الصبح تجلي الجليات عن بنتها الوسطانية اللي عليها الدور بعز السقعة, وكمان بدون مية سخنة.

#صباح_الخير لكل ست بيت قد حالها بتصبح ع جوزها وأولادها بصينية شعرية بالسكر وجوز الهند وبتستناهم يصحوا عشان تفطرهم.

#صباح_الخير لكل أب لم أولاده ومرته حواليه وولعهم كانون النار وحط عليه براد الشاي الكبير وقحمشله كم خبزة مرتبات عليهم .

#صباح_الخير لكل عيلة مشافتش الدفى من أول المنخفض ,ودارها غرقانة من المطرة وبتدلف من كل زاوية وحيطة ,ومش ساترها الا ربنا وكان الله بعونهم.

#صباح_الخير للناس اللي مضلتش لابدة تحت الحرام وطلعت تتشفشف من الفجرية عشان تلقط لقمة عيشها

#يسعد_صباحكم ويارب تضلوا بخير🍀
الخميس 18/2/2021

متابعهةاخباريه جميله
تسلم يمينك امير

تلججت ععندكك او لسسهه
+ نححناا وصصلنا
+ يسسلمموو الاممير
وردهه

اقتباس   المشاركة الأصلية كتبت بواسطة باربي تلججت ععندكك او لسسهه + نححناا وصصلنا + يسسلمموو الاممير وردهه

ثلجت الحمد لله بس
مش زي الضفة ههههه
بس افوت من اللاب في
كم صورة من الفيس الثلج بغزة
بنزلهم وبتشوفيهم ^^

شكرا لالك آمير

عوافي الامير

كل الشكر و التقدير

	السلام عليكم ورحمة الله وبركاته يسلمووووا ع النشرة الاخبارية المنوعة والمتابعة يعطيك الف عافية بانتظار جديدك دائما تحيتي