أخبار_عالريق

#أخبار_عالريق 594 يوم
✅يكتبها/سعيد الطويل
■أول حاجة الأسـ ـرى السبعة المضربين كلهم في خطر ووضعهم كرب وكل دقيقة بتمر ممكن نفقد واحد منهم لا سمح الله
■كمان في حاجة مهمة عشان بكرة تقعدوش تسألوا قديش الساعة ..الليلة بعد الساعة 12 اطنعش رجعوا الساعة لورا 60 دقيقة لانه حنخش بالتوقيت الشتوي .
■مسكوا عميل مخضرم وقديم عالآخر بنابلس وازز عن نص الشباب الفدائية اللي اغتالتهم اسرائيل.. وعيلته تبرت عنه
■شباب اثنين زي الورد توفوا بحادثين سير كل واحد لحال بالقدس
■بشكل رسمي اقالوا رونالد كومان المدرب تبع برشلونة
■اغسلن الشنط يا دوب ينشفوا من هان لبكرة عشان مدارس أولادكم عالسبت ان شاء الله
■بدكم الصحيح الجو صار يبرد عالصبحيات ،ومن الآخر نظفوا المراوح وجلتنوهم بنايلون وضبوهم للسنة الجاية يا حبايب..
■اشتية بيقلك انه احنا مصرين نعمل انتخابات تشريعي ورئاسية بكل فلسطين ..واحنا بنقلك بدناش يبو ابراهيم يا بركة..هيك مبسوطين ومتجليين
■حكومة غزة أعفت شركات السياحة والسفر من ترخيص آخر تلت سنين وكمان لغوا رسوم اخر سنة عن شركات البث الاذاعي المتضررة.
■المهم كمان قدمت مساعدة من مستحقات الموظفين للي بدهم يعملوا عمليات زراعة
■نقابة الموظفين مش عاجبها قرار الحكومة تبع الغاء المواصلات والباصات ونزلوا بيان رفضوا فيه القرار
■بيقلك ماجد فرج بيجهز حاله يصير رئيس بدل الرئيس
■من يوم الأحد حتصير تفتح ايرز من الساعة خمسة بدل السبعة للتجار
■قطر وافقت انها تفتح المجال للناس الخبرة اللي بدها تشتغل عندها من غزة
■كرموا مبارح 1000 واحد جديد من الناس اللي حفظت القرآن وبيرفعوا الراس
■بيقلك وضع السلطة صعب وتبع محطات البنزين بالضفة بيطالبهم بدفع الفواتير اللي عليهم

#صباح_الخير من القلب للأبطال السبعة المضربين إللي ما داقوا الزاد ولا أكلوا ولاشربوا من أكثر من تلت تشهر ..ادعولهم هما بس بدهم دعواتنا ..ونوصل صوتهم للعالم بمنشوراتنا غير هيك يخلف عليكم..

#صباح_الخير للناس اللي بتسيب وراهم دايما أثرا حلو بيأثر فيها
للناس إللي بتمر بدون ضرر ولا ضرار للناس إللي بتشيل الورد بنفس طيبة وبقلب دايما بيضحك..
#الله_يسعدكم 🌹

الخميس 28-10-2021

يسسلمموو الاممييرر
+ يععطيكك الفف ععااافيهةة ☆
وردهةة

السلام عليكم ورحمة الله وبركاته



يسلموووووا ع النشرة الاخبارية المنوعة



يعطيك الف عافية



بانتظار جديدك دائما






تحيتي

عوافي

تسلم أخي ع المتابعة الجيدة

ربي يسعدك ويحفظك من كل شر

متابعه مميزه امير