أخبار_عالريق

#أخبار_عالريق 647 يوم
✅يكتبها/ #سعيد_الطويل

■سنة خشيناها برضا وبحمد الله رغم كل ما فيها ..

■ودعنا 2021 بالشهــ ،ـيد أمير بسلفيت ودخلنا 2022 بالأسـ ـير هشام المضرب عن الطعام اله أكثر من 4 أشهر .

■انطلاقتين وشعلتين نار لفتح في غزة وحدة بالساحة والثانية بالجندي.

■تجمعات ومسيرات بس مش زي غزة للانطلاقة بالضفة.

■خشينا بالسنة السبعطعش ومشكلة الكهرب لسة عنا منحلتش.

■اليوم حيحلف زياد هب الريح يمين وحيصير وزير داخلية بالضفة والشيخ حاتم البكري حيصير وزير للأوقاف.

■توفى راجل اسمه فادي الوادية بالأربعينات من عمره بسكتة قلبية بغزة .

■الجو مش مستقر مش معروفله راس من رجلين مرة بتحسه قالب ع صيف ومرة كانه بالقطب الشمالي.

■بكل الأحوال الصيف أحلى وكل حاجة فيه بتشرح القلب.

■بكرة حسين الشيخ حيعلن عن 650 لم شمل جديد.

■أمريكا حتدعم الوكالة ب90 مليون دولار.

■البرتقان السنة بتحسه شحيح وغالي مش زي كل سنة .

#صباح_الخير للناس إللي خشت سنتها الجديدة وهي ع سرير المستشفى ،ولهشام أبوهواش إللي خشها باضرابه عن الطعام

#صباح_الخير لعيلة أمير ريان ،إللي استقبلت هالسنة بصوان عزا لابنهم إللي عمل عملية طعن عالحاجز

#صباح_الخير لعمال المطاعم إللي ضلوا لوجه الصبح شغالين عشان رزقتهم ،وللناس إللي قضيت ليلة راس السنة دفيانة تحت الحرام .

#يسعد_صباحكم وكل أيامكم
عامكم جميل 🌹
1-1-2022

عوافي لنقلك الاخبار
تحياتي

مشكور ع المتابعة

ييسسلموو أمميرر
+ وردهةة

شكرا ع المتابعه
وعوافي ع جهودك

متابعة جيدة أخي

ربي يسعدك

السلام عليكم ورحمة الله وبركاته



يسلموووووا ع النشرة الاخبارية المنوعة



يعطيك الف عافية



بانتظار جديدك دائما

شكرًا الأمير

يعطيك العافيه امير