أخبار_عالريق 355

#أخبار_عالريق 355
✅يكتبها/سعيد الطويل
■المواد المخبرية تبعت الكورونا خلصت من مختبرات وزارة الصحة اللي بغزة ،وقفت الفحوصات كلها وربك بيعين.
■في 471 حالة جديدة أعلنت عنهم الصحة كانوا موجودات بالمختبر قبل ما يخلصوا المواد.
■الشحون بدت تنقل اللقاح تبع الكورونا لدول العالم ،ان شاء الله بيوصلنا ع خير وبنرتاح من هالغم.
■بيقلك كل ما ارتفعت نسبة الاصابات حتنهار المنظومة الصحية بغزة أسرع.
■سلامة معروف بيقول انه ممكن نسكر البلد كلها ،بس بدناش هلحين عشان البلد دوبها حالها بدنا نقعد عن هالقصة.
■أبو نعيم بيقول انه احنا مش قراب من مرحلة التسكير الكامل.
■أبو نعيم برضه صرح انه لو أوصت الصحة انه الوضع وصل لمرحلة الخطر حنسكر البلد بدون تردد.
■اليوم حيصرفوا مخصصات جر.حى وشهد..اء مسيرا.ت العودة بكل فروع البريد بالقطاع.
■بدهم يعلموا مصالحة خليجية بالبحرين ويخلصوا القصة بين قطر والسعودية.
■اليهود بدهم يبنوا تسع تلاف مستوطنة جديدة بالقدس ،هذا الخبر ملوش لازمة بس حطيته هيك يعبوا سطور فاضية🤨.
■جيش الاحتلا.ل فتح تحقيق بمقتل الطفل علي أبو عليا ،اللي أعدموا بدم بارد قبل كم يوم.
■ا.لجها..د الاسلا...مي بيقول انه عنا مؤشرات بتقول انه اليهود حيضربولهم ضربة لغزة قبل بايدن ما يمسك الحكم.
■داخلية غزة حتعلن عن المرحلة الثانية من توظيف البنات خلال الأيام الجاية.
■بلشوا بناء لمبنى محترم للأطفال الأيتام اللي ملهمش ايواء بغزة.
■الخضرة سعرها ماشي حاله بس مش رخيصة ،والدولار طلع سعره شوية صغيرة.
■الكلمنتينا والبرتقان الرطل بخمس شواكل.

#صباح_الخير للناس اللي مغمضش الها جفن وهي بتفكر بهمومها وديونها ووظروفها ورزقها وحالها ووضعها ووضع أولادها،ومضلش الها أمل الا بوجه الكريم.

#صباح_الخير لكل مريض ومريضة المرض دوبهم وأخذ من صحتهم وعافيتهم بزيادة وبطلوا قادرين يتحملوا ،يارب صبرهم وكن الهم سند وعون اللهم امين.

#صباح_الخير لكل شب بيصحى من نومه بيعرفش شو بده يعمل ،فش عنده لا شغل ولا مشغلة ودور لما زهق ع شغل لكن الأمور مسكرة بوجهه ،ربنا يرزق ويوسع عليه.

#يسعد_صباحكم_بكل_الخير
الاثنين7/12/2020

يسسلمووووووو
+ ممتابعهه مميزهه ممنكك
وردهه

يسسلمووا الاممير
متتابعهه

الله المستعان
شكراً لك

مشكور ع المتابعة

يسسلممو الامير على المتابعةة

	السلام عليكم ورحمة الله وبركاته يسلمووووا ع النشرة الاخبارية والمتابعة يعطيك الف عافية بانتظار جديدك دائما تحيتي