أخبار_عالريق 513 يوم

#أخبار_عالريق 513 يوم
✅يكتبها/سعيد الطويل
■بنص الليل ما شفنا إلا العمادي واصل غزة فجأة هيك ،بس لسة شكله مش شايل معه المصاري.
■اليهو د خصموا من المقاصة فوق ال597 شيكل ،هدول إللي اندفعوا من السلطة للشهد اء والجر حى
■توفى مبارح بحادث سير بمصر ولدين صغار من غزة هما يوسف وجودي أبو زايد وأهاليهم وضعهم صعب ؛الله يلطف فيهم.
■سهى بنت الأسـ ـيرة خالد جرار لقيوها متوفية مبارح بدارهم برام الله بسكتة قلبية.
■حزب الشعب فصل وزير العمل نصري أبو حيش من حزبهم عشانوا ما بطل من الحكومة ،وقدم استقالته ورجع ثاني،يا عمي الكرسي حلو بلا كلام فاضي .
■جيالكم كتلة هوا ساخنة جامدة خالص،ع آخر هذا الأسبوع ان شاء الله
■الزهار بيقول انه أبو مازن ما بيمثل الشارع الفلسطيني والاحتلا ل بده صفقة أسر ى مقابل الأكل والشرب بس .
■هيئة الأسـ ـرى بتأكد انه الإرهاب الإسرائيلي على أموال المقاصة جريمة حتزيدنا إصرارا انه نضل نخدم الأسـ ـرى وعائلاتهم .
■اليوم آخر يوم بامتحانات التوجيهي العلمي ،وكلها أسبوعين زمن ، بيتحدد مستقبل البنت يا جيزة يا إما جامعة.
■أبو مازن اتصل بالرئيس "الاسرائيلي" واتفقوا انهم يحافظوا عالتهدئة ،أي تهدئة بعرفش.
■فوق ال500 سيارة محجوزة ومدفوع جمركها ،بتستنا تدخل ع غزة ،سعرها فوق ال30 مليون دولار.
■المستو طنين بدهم يقتحموا المسجد الأقصى قبل العيد بيومين والمقدسيين بيحشدوا عشان يمنعوهم.
■اليوم حتنصرف رواتب شهد اء وجرحى مسيرات العودة من غزة.
■7 ما س عينت سمير أبو مطير وكيل لوزارة الحكم المحلي بغزة
■الناس قاعدة بتستنى فرج ربنا تصريح لمسؤول هان ولا هناك بخصوص شيكات الشؤون أو المنحة القطرية.
■المحلات الحركة فيها ميتة ،فش موسم من الآخر هذه السنة.
■التين نزل وعبى البسطات ، بس لسة سعره بالعلالي وجردل الصبر بعشرة شيكل

#صباح_الخير للشب الملطم إللي مخلص جامعة وبيطلع من الصبح لآخر النهار عشان يشتغل بيومية بتزيدش عن عشرين شيكل

#صباح_الخير للناس الغلابا المستورة وعايشة ع قد حالها ، إللي بتسنى العيد يجيي عشان توصلها اللحمة وتنبسط هيا وأولادها

#صباح_الخير لطلبة التوجيهي أولاد وبنات يعطيكم ألف عافية وربنا لا يضيع تعبكم إلا ع خير ،ويارب ترفعوا روس أهاليكم وتشرفوهم ..

#صباح_الخير لكل حد بيصحى من نومه بيصلي وبيطلع يتمشي للبحر عشان الروجيم ،وضايل عنده عزيمة وبيضعفش حتى قدام كل أنواع الحلويات والأكل الدسم.

#صباح_الخير #صباح_الرزق 🌹
الاثنين 12-7-2021

يسسلمموو لممتابعهةة

السلام عليكم ورحمة الله وبركاته



يسلمووووا ع النشرة الاخبارية المنوعة



يعطيك الف عافية



بانتظار جديدك دائما






تحيتي

مشكور للمتابعة
تحياتي لك

تشكرات ع التغطية الإخبارية المنوعه

متابعة جيدة أخي

ربي يعطيك الصحه والعافيه

مش في تفاح بالسوق
خلص باقي الاخبار مش مهمة

مشكور عالاخبار الحلوة بالاسلوب

كل التحية