أخبار_عالريق

#أخبار_عالريق 866
✅يكتبها/ #سعيد_الطويل

■بصراحة أهم شغلة قالقة الناس انه شو بده يصير يوم الأحد؟ ،في ناس بتستنى بالأحد كانه يوم العيد ،وفي ناس تانية بتخزن مونة كانه الحرب بدها تولع، وببساطة الوضع لا حيكون هيك ولا هيك تقلقوش الأمور ان شاء الله حتعدي ع خير والله كبير .

■ الفصا.ئل أعلنت حالة التعبئة والاستنفار العام عشان مسيرة الأعلام.

■5 شباب فلسطينية مفقودين لحتى الآن بحادثة غرق المركب المهاجر بتونس.

■ بعد التنفيذية والمركزية والوطني والمركزي والشوؤن المدنية ..أبو مازن حط حسين الشيخ أمين سر لمنظمة التحرير.

■عشان متفكروش كثير رئيسنا الجاي حيكون اسمه ابو جهاد .

■اشتيه بيطالب من سويسرا توفير مشاريع للشباب الملطمة .

■ع كلام اليــ ـهود مسيرة الأعلام مش حتدخل للحرم القدسي وحتلف من بعيد.

■أسعار الخبز عنا حتضل زي مهيا 3 تشهر ،بعد حتغلى زي الضفة.

■ أسير محرر انقتل بطوشة كان بيفزع فيها بالضفة.

■حكمت المحكمة بالإعد.ام على شب من دار برهوم قتل أخوه قبل فترة في رفح.

■المهم اليــ ـهود نصبوا البطاريات والقبة الحديدية زبطوها برضه عشان يوم الأحد.

■الشباب عنا كمان فقّدوا الصو.رايخ وزبطوا أمورهم منيح ،عشان لو صار غدر.

■شيعوا مبارح أم البطل يعقوب القادري أحد فرسان #نفق_الحرية في جنين

■الملك عبد الله منح الصحفية وسام الاستقلال من الدرجة الأولى.

■المهم هذا الشهر مشفتش أطول منه من سنين أجا فيه رمضان وعيد وشتا وصيف وسقعة ومطر وريح وشوب واجازة ومدارس وكمان اجازة وتهديد والله يعلم يمكن تصير حرب ،الله يعديه ع خير

#جمعة_مباركة 🌹

اكسبوا الصلاة على حبيبنا وشفيعنا محمد صلى الله عليه وسلم

27-5-2022

يسسلموو الأمميرر
+ وردهةة

الله يكون في العون
مشكور

السلام عليكم ورحمة الله وبركاته



يسلمووووا ع النشرة الاخبارية المنوعة



يعطيك الف عافية



بانتظار جديدك دائما







تحيتي

كل الشكر و التقدير

يسلموو ع الأخبار المنوعه
وحسن المتابعة الجيدة
ربي يسعدك ويحفظك
طابت مساءاتك أخي

تسلم لنقل الاخبار وربي يفرجها عالجميع