أخبار_عالريق

#أخبار_عالريق 500 يوم
✅يكتبها/سعيد الطويل
■يوم صعب راح بخيره وبشره انقتل فيه الناشط نزار بنات وانقلبت الدنيا قلابة .
■معظم الفصا ئل تقريبا أدانت فيه مقتل نزار ،وطالب بمحاسبة القتلة.
■محافظ الخليل قال انه نزار مات بسكتة قلبية ببيان رسمي طلعه الصبحيات.
■اشتية شكل لجنة تحقيق سريعة عشان يكشفوا ملابسات مقتل نزار.
■الهيئة المستقلة والطب الشرعي أثبوا انه الوفاة مش طبيعية.
■7.ما س والشعبية رفضوا تشكيل اللجنة تبعت اشتية .
■الإتحاد الأوروبي بيقول إنه حزين لمقتل نزار وبيطالب بالتحقيق بشكل سريع.
■اليوم حيكون صيد السمك ببحر غزة لتسعة ميل بدل الستة ميل ،بعد ما سمحوا اليهود بتوسيع المساحة.
■المعابر كمان حتفتح اليوم وتدخل كمية بضاعة أكثر من الأيام إلي فاتت .
■جوازات السفر المحجوزة مبارح وصل منها فوق الألف جواز لغزة من رام الله .
■اطنعشر اصابة بقرية بيتا منهم وحدة صعبة شوية ،والارباك الليلي لسة شغال .
■طلبة التوجيهي قدموا امتحان العربي وكان ع كلامهم سهل وأموره تمام التمام.
■كوخافي بيهدد انه الأمور ممكن تنقلب بغزة بأي وقت ويصير تصعيد جديد .
■الإقتصاد بغزة حولوا خمسطعشر تاجر للنيابة عشان بيغلوا وبيحتكروا بالأسعار
■الجاج اليوم بإطنعشر شيكل الكيلو.
■العزايم ناشفة هاليومين للنسايب والقرايب ، بس الشاليهات عمرانة بالطشات إلا إللي عنده توجيهي مأجلين من هان لبعد الامتحانات
■منتخب فلسطين فاز خمسة صفر على جزر القمر وتأهل لكأس العرب .
■حيرجعوا الجمهور تاني ع ملاعب غزة يحضروا المباريات بس العدد ميزيدش عن 300 ويكونوا مطعمين .

#صباح_الخير على الضفة أهلها وخليلها ورام الله وشمالها وجنوبها وناسها الطيبين
ربنا يهدي بالهم ويبعد الفتنة عنهم ويعدي هاليوم على خير .

#صباح_الخير لأهل غزة الملطمين ..الماكلين هوا ومتأملين خير الأيام الجاية تتغير الأمور للأحسن ..

#صباح_الخير للصحبة واللمة الحلوة ،إللي بيدوروا على كل لحظة في انبساط وسعادة رغم كل هالظروف الصعبة

#جمعة_مباركة 🌹
وصلوا على حبيبنا النبي محمد صلى الله عليه وسلم
الجمعة 25 -6-2021

يسسسلموو امميير
وردهةة

يسلمو ع المتابعة
عوافي

يعطيك العافيةة

السلام عليكم ورحمة الله وبركاته



يسلموووا امير ع النشرة الاخبارية المنوعة



يعطيك الف عافية


بانتظار جديدك دائما





تحيتي