أخبار_عالريق

#أخبار_عالريق 809 يوم
✅يكتبها / #سعيد_الطويل

■الناس زهقت وملّت وقرفت حالها من الأخبار إللي فش فيها حاجة تفش غلهم.

■بدكم نحكي عن الأسعار الغالية بالبلد ولا عن مشاكل التحويلات الطبية ولا عن الخصومات والقروض ولا شيكات الشؤون إللي ما انصرفت من سنة وجاي ،ولا عن جشع التجار ولا نذكركم انه في قيادات بتتاجر بقضيتنا واحنا ساكتين ولا نحكي عن الناس إللي بتتصايد لبعض وواقفين لبعض عالنقرة ..

■المهم خلينا نشوف شو في اليوم عنا أخبار عالخفيف من هان ومن هناك ،ونبلش بالجو إللي بصراحة صار ممل ووكئيب وكله أمراض وسقعة مش بوقتها وكل ساعة بحال.

■كمية منشورات مش طبيعية عالفيس بوك للتسامح والمسامحة والمسامح كريم عشان ليلة النص من شعبان ،يارب تكون عالمنشورات حقيقية عالأرض والنفوس تصفى لبعض..والله يهدي البال

■حالتين وفاة بحوادث سير بالضفة وحدة لبنت صغيرة بالخليل والثانية لشب من أريحا..الله يرحمهم

■بعد بكرة آخر يوم بفصل الشتا ان شاء الله

■الأردن بده يلغي التوقيت الشتوي بشكل نهائي ،أصلا بيلزمش

■اضرابات المعلمين بالضفة شغالة حتى ينالوا مطالبهم وتنصرف رواتبهم

■معتمرين فلسطين بخير ومبسوطين وما بدهم إلا سلامتكم

■بالنسبة للمنحة القطرية ،في أخبار انه جاي ابو اسماعيل اليومين الجايات عشان يرتبوا آلية صرفها

■اليــ ـهود صادروا 130 مليون شيكل من اراضي ال48 بحجة انها جاية دعم لغزة.

■التربية والتعليم بالضفة حيبلش عندهم فدوس إجازة الفترة الثالثة يوم 25/3/2022 وتنتهي في 1/4/2022

اليوم الجمعة ،فيها لمة العيلة الحلوة والجمّعة الطيبة والطبخ الزاكي من ست الكل ،الله لا يحرم حدا هذه الأجواء

#اكسبوا الصلاة ع حبيبنا ورسولنا محمد صلى الله عليه وسلم 🌹

يسعد صباحك امير
و جمعة طيبة

الله يسمعنا كل خير يارب

شكرا لك دمت بحفظ الرحمن

يسلمو الامير ع المتابعه
وعوافي ع المتابعه

يسلموو ع الأخبار المنوعة
والمتابعة الجيدة أخي
ربي يسعدك ويحفظك
طابت مساءاتك

إلى متى الاعتماد على الخارج؟

اخبار تدل على الظلم الشائع فى بلاد المنطقة

يسسسلموو الامميرر
+ وردهةة

السلام عليكم ورحمة الله وبركاته


يسلموووا ع النشرة الاخبارية المنوعة والمتابعة


يعطيك الف عافية


بانتظار جديدك دائما





تحيتي