أخبار_عالريق

#أخبار_عالريق 656 يوم
✅يكتبها / #سعيد_الطويل

■أخبار اليوم ..أولها شهــ ـيد مات ظلم مبارح الفجر ومخدش حقه ،راجل عمره 80 سنة اسمه عمر عبد المجيد أسعد من شمال رام الله، ضربوه اليــ ـهود وأهانوه عالحاجز لعند ما مات.

■قبل شوية اثنين من الكومنادوز الاسرائيلي انقتلوا بنيران جندي شك فيهم بالغلط 🙂

■المهم قالوها زمان ،إذا بدك تموت قصة شكل إلها لجنة ، وهذا إللي صار وزارة الصحة شكلت لجنة للتحقيق بموضوع وفاة الطفل سليم النواتي.

■طلعوا قرار بنقل هيثم الهدري مسؤول العلاج بالخارج من مكانه لمدير الصحة بالخليل .

■ 2500 تصريح جديد سلمتهم الشؤون المدنية مبارح للغرف التجارية بغزة للشغل باسرائيل.

■بعد ما توفت أخته قبل كم يوم ،مبارح توفى أبو السنـ ،ـوار الحج جميل بخانيونس

■أم البطل ناصر أبو حميد حتبدا من اليوم اضراب مفتوح عن الطعام تضامن مع ابنها ناصر.

■استقبل مبارح أبو مازن أم ناصر وقلها شو بدك يا حجة جاهزين، ،قلتلوا بدي ابني ويخلف عليك يا ريس.

■اتصل مبارح أبو مازن بالرئيس الاسرائيلي عزاه بأمه إللي توفت ؛ بمكالمة عالسريع مطولتش.

■اليــ ـهود بدهم يهدموا جامع بالعيساوية بالقدس .

■طلعوا 1000 اسم جداد لموضوع لم الشمل ولسة في دفعة جديدة الأسابيع الجاية

■الرئيس السيسي وصى انهم يشدوا حيلهم بموضوع الاعمار بغزة.

■رطل الفرسمونة بخمسة شيكل والكلمنتينا الخمسة بمية والموز الأربعة بمية ،يعني لو شكلتلك تشكيلة صغيرة بعشرة شيكل وتحطهم بتلت أكياس وأخذتهم بايدك وانت رايح ع نسايبك بتبيض وجهك.

■أكبر راس ملفوف بالسوق بشيكل واحد بس.

■مريم مرت أبو فؤاد بدها تودي ابنها الصغير ع حضانة بدون سبب بس جكر بسلفتها الموظفة ،وبتقله هيا مش أحسن مني جوزها مريحها ،...شكلوا حيريحك خالص الفترة الجاية يم فؤاد.

■الريال مدريد غلبت برشلونة تلاتة واحد بنهائي سوبر الكلاسيكو

■الفراولة النظيفة الكيلو باطنعشر شيكل شكلها بتنباع بس للوحام والعرسان الجداد

#صباح_الخير هذه للمرة للناس إللي انكسرت وتوجعت وتبهدلت وانخدعت وأكلت هوا بحياتها ،ومع هيك لسة فيها حيل تتحدى وتكمل غصب عن إللي مش عاجبه

#صباح_الخير لابن أم عماد خريج العلوم الجدع إلي حطله بسطة ذرة ع باب المدرسة إللي قبل كم سنة طلعلوا بطالة يدرس فيها الطلاب.

#صباح_الخير لكل أم بتلحقش تخلص نص شغل الدار عالساعة عشر ونص بتلاقي ابنها الصغير روح من المدرسة وهيا يا ويلي بنص خراريف الواتس أب لسة مع جراتها.

#يسعد_صباحكم وربنا يهدي بالكم
قولوا آمين ..🌹
الخميس 13-1-2022

مشكور ع المتابعة

يعطيك العافية

شكرا لالك ع المتابعة
يعطيك العافية

ييسسلموو الاممييرر
+ ييعططيكك آلفف عآافيةة 《 ☆
وردهةة

متابعة جيدة أخي
يعطيك العافية
ربي يسعدك

السلام عليكم ورحمة الله وبركاته



يسلموووووا ع النشرة الاخبارية المنوعة



يعطيك الف عافية



بانتظار جديدك دائما

متابعه مميزه
عوافي