#أخبار_عالريق 239

#أخبار_عالريق 239
✅يكتبها/سعيد الطويل
■صارت مبارح أحداث مؤسفة بنابلس مع الأجهزة الأمنية ،ا.ستشهد فيها مسؤول فتح ببلاطة عماد الدين دويكات.
■الأمور تصاعدت في بلاطة وتوترت وطلعوا مسيرات وولعوا كوشوك ،والمحافظ بيقول انه أبو مازن طلب تحقيق فوري بالموضوع.
■انقتل كمان اتنين بالداخل ،واحد بيافا والتاني بأم الفحم بجرايم بتقزز ،وبهيك صار عدد اللي انقتلوا من أول السنة 51 فلسطيني .
■بالنسبة لرواتب السلطة احتمال كبير بكرة عالصراف بس محدش صرح لسة بشكل رسمي.
■أبو نعيم بيقول انه في تقريبا 3تلاف واحد لازهم سفر من غزة بشكل عاجل .
■اصابة كورونا جديدة بغزة ،وصار هالخبر عنا يمر مرور الكرام بدون أي تهويل .
■بالضفة.. الله يكون الهم معين في تلات حالات وفاة جديدة وتقريبا 400واحد لقيوا معهم الفايروس.
■الأمور متوترة بين حز..ب الله واليهود عالحدود ،مع انه مش متوقع يصير حاجة.
■7..ماس بتأكد أنه المهرجان الكبير هذا الأسبوع والتحضيرات مع الأخوة بفتح ماشية عال العال.
■التربية والتعليم أجلوا امتحان توظيف القدرات من اليوم لبعد العيد.
■حيفتحوا مطارات الأردن خامس يوم العيد ان شاء الله.
■اليهود طابين اعتقال بالشباب بالضفة واعتقلوا كمان اتنين نواب من الخليل.
■ بيقولوا انهم معتقلين محمود الحسنات بالسوادن ،لأنه كان مشارك بمسيرات معهم.
■سبع دول عربية مش حتصلي صلاة العيد بجماعات من بينهم مصر.
■زي مقلتلكم مش حيفتح المعبر قبل العيد ،وحيفتح بعد العيد وروحة الأولاد عالمدارس ،واحتمال ترجع البلد تشدد بشوية اجراءات.
■احتمال كبير يسكروا كل الضفة طول فترة العيد.
■الجاج صار بتمنية شيكل ونص الكليو.
■عفاطة مزيل العرق عاملين عليها عرض التنتين بخمسة شيكل.

#صباح_الخير للناس المتعودة تاخذ أولادها الصغار تلفلفهم عالعجول بموسم كل عيد عشان تفرحهم.

#صباح_الخير لكل أم بلشت اتكتك وتنظف بدارها وتغسل ستايرها وسجادها وشغلت كل بناتها معها قبل العيد.

#صباح_الخير لكل رب عيلة نفسه يضحي ويفرح أولاده والأمور مزبطتش معه ،ربنا يعوض عليه ويفرحهم السنة الجاية.

#صباح_الخير لكل واحد بيدخلش بقصص غيره وبيحبش البرم واللت والعجن بقصص فارطة وبيسيب الناس بحالها .