أخبار_عالريق

أخبار_عالريق

■الناس مفلسة وضاوية وماكلة هوا في الضفة وغزة ويمكن كمان بالشتات ،وربنا يعينا ويعينهم.
■ثلاث إصابات كورونا في الخليل وحلحول منها لموظف براديو الخليل ووزارة الإعلام سكرت الراديو إلى إشعار آخر.
■عدد إصابات كورونا في العالم قرب على 8 مليون ولسه العداد بعد يامعلم.
■محدش سد دينه القديم اللي بالدفتر ولا قادر يسحب دين جديد من الدكانة.
■ملحم بحكيلكم لاتضلوا تخرفوا بقصة الراتب وبس تتوفر المصاري بنزلكم رواتب والزلمة براهن على صمودكم وبقولكم إنكم شركاء بالغنائم بس عن أي غنائم بقصد مابعرف وأنا مش شايف غير الخوازيق ورا بعض.
■إيران بتحكي إنهم وصلوا للجاسوس إللي أعطى معلومات عن قاسم سليماني واتسبب بمقتله.
■العالم كله واقف ضد نتنياهو عشان خطة الضم والمحللين بحكوا انه اتورط وبدور على مخرج.
■الرئيس الفرنسي ماكرون أعلن إنه فتح الحدود مع جميع دول الاتحاد الأوروبي .
■ملحم حكي كمان إنه راح يلزموا الموظفين لبس كمامات وقفازات وبقول إنه في 70 إصابة صارت من يوم تخفيف الاجراءات .
■الإفراج عن الاسير صلاح حسين بعد 15 سنة والزلمة شاف إبنه لأول مرة واللي خلفوا وهو بالسجن عن طريق النطف المهربة .
■ وفاة السيدة روان من رهط اللي ضربها جوزها قبل كم يوم متأثرة بجراحها وصارت إلها جنازة كبيرة ربنا يرحمها .
■وزارة الخارجية أطلقت حملة عودة الأحباب عشان يرجعوا أهلنا وطلابنا العالقين برا وراح يبلشوا باستقبالهم من الأحد 21.6.2020.
■موظف راح عالبنك يشتكي إنه راتبه بنزلش وموظف البنك رد عليه وقله إحمد ربك عالصحة ..قله ياحبيبي يعني إذا اجاني ضيوف أقوم اعرضلهم عضلاتي.
■الدولار لساته وضعه بالحضيض واليوم سعره 3.43 شيكل.
■طلاب التوجيهي الأدبي اليوم راح يقدموا ثقافة علمية والعلمي أحياء شدوا حالكم هانت .
■الخضرا سعرها منيح والبندورة عناقيد مرتبة الكيلو 4 شيكل والخيارللمخلل ب 5 شيكل والبطيخ مسيطر عالوضع وهسه وقته والكيلو شيكلين والموز فش حد بقرب عليه مستوي كتير وبسنجكش فترة طويلة.
■الجو شوب اليوم وفي إرتفاع واللي عنده بركه يقعد يتبلعط فيها ويبرد على حاله .

صباح_الخير لأساتذتنا اللي بيصلحوا امتحانات التوجيهي وربنا يحنن قلوبهم ع أولادنا وبناتنا .
صباح_الخير لأصحاب المحلات اللي الوضع عندهم رايق ويادوب قادرين يدفعوا حق استهلاك كهربا .
صباح_الخير للناس اللي لسة محجورين وزمان ما صبحنا عليهم وقرفوا حالهم بالحبسة والشوب.
صباح_الخير لكل مغترب طلع من البلد لما الأمور سكرت بوجهه ، وربنا يعلم هالحين بظروفه وحالته .

يسعد_صباحكم

يسعد صباحك
اخبار متنوعه

قهرني هالخبر
وفاة السيدة روان من رهط اللي ضربها جوزها قبل كم يوم متأثرة بجراحها وصارت إلها جنازة كبيرة ربنا يرحمها .💔
الله المستعان
ربي يرحمها ويغفر لها

فش خبر بفتح النفس
الله المستعان

سلمتي

مشكورة للمتابعة نقاء
ما ننحرم مواضيعك

اقتباس   المشاركة الأصلية كتبت بواسطة هل كان حباً مشكورة للمتابعة نقاء ما ننحرم مواضيعك

شكرا لحضورك
نورت

اقتباس   المشاركة الأصلية كتبت بواسطة خالد فش خبر بفتح النفس الله المستعان سلمتي

تسلم لحضورك
نورت

اقتباس   المشاركة الأصلية كتبت بواسطة قبانية الهوى يسعد صباحك اخبار متنوعه قهرني هالخبر وفاة السيدة روان من رهط اللي ضربها جوزها قبل كم يوم متأثرة بجراحها وصارت إلها جنازة كبيرة ربنا يرحمها .💔 الله المستعان ربي يرحمها ويغفر لها

امين ي رب
الله المستعان
نورتي حبيبتي
يسعدك

يسلمو نقاء

شكرا للمتابعة

يسسلمموو لممتابعهه نققاء ♡
وردهه