أخبار_عالريق 600 يوم بنكتبها ورا بعض

#أخبار_عالريق 600 يوم بنكتبها ورا بعض
✅يكتبها/سعيد الطويل
■الأسـ ـرى الستة المضربين بينادوا ع كل العالم بأمعاءهم الخاوية أو على أي حد ينقذهم ،لكن لا حياة لمن تنادي..الله يجبر خاطركم وينصركم ..
■قضية حي الشيخ جراح رجعت من أول وجديد وبقوة ،والبيان واضح رافضين فيه كل التسوية مع اليــ ـهود
■الاتحاد الاوروبي دفع 16 مليون ونص دولار للسلطة عشان تدفع رواتب الموظفين والمتقاعدين
■دحلان والمشهراوي زاروا مبارح روسيا واستقبلهم لافرروف وصورهم لعلعت تلعلع عالنت
■نبيل أبو ردينة بيقول انه الرئيس عباس برضه حيزور روسيا الأيام الجاية
■بكرة حتوصل لغزة 27 سيارة اسعاف من ضمنهم 5 سيارات عناية مكثفة ،بتبرع من قافلة أميال من الابتسامات
■الصين أبصر ع شو ناوية تعمللنا مصيبة جديدة بيقولوا لجماعتهم خزنوا كميات أكل كبيرة للفترة الجاية
■مبارح 4 حالات جديدة توفت من
كوو رنا بغزة ،يعني لسة مخلصتش
■الموجة الجديدة ع كلام وزارة الصحة حتوصلنا آخر هذا الشهر ..بس فش الها هيبة خلص تيجي ولا تروح
■مراسلة قناة روسيا اليوم الجدعة “داليا النمري” أعلنت خطوبتها على الأسـ ـير تامر الريماوي ، المحكوم ب3 مؤبدات ..
الحب أقوى من سجانهم وسينتصر
■هذه يخوي في واحد من طولكرم اعطى مرته هدية سيارة مرسيدس سنة موديلها عشانها حملت
■زي كل مرة سوريا صارت ملطة ،اليهود بيقصفوها وهما بيحتفظوا بحق الرد
■عدد كبير من الطلبة مسجلوش هذا الفصل بالجامعة عشان فش مصاري يدفعوا الرسوم للأسف
■الشيكل بيطلع الطلعة المرتبة والدولار نازل وفقد هيبته
■وزارة الزراعة بدها توزع 200 دولار مساعدات للناس إللي بتربي حيوانات وجاج بغزة
■اليوم حتنصرف رواتب المتقاعدين تبعين حكومة غزة ان شاء الله

#صباح_الخير للناس اللي تعبت وقرفت وزهقت وشقيت ومرضت وانهد حيلها من هالوضع...للناس اللي بتستنى و للناس اللي بتتمنى وما في إلهم أمل إلا فرج الله

#صباح_الخير للناس المليانين شغلات بتنحكاش مليانين تعب ومشاكل ونكد ووجع وتعب وهم وغم وبدهم شهر ليفضفضوا عشان يرتاحوا شوية ..الله يجبر بخاطركم

#يسعد_صباحكم 🌹
الأربعاء 3-11-2021

يعطيك العافية علي المتابعة

تحياتي

ييسسلموو الامميرر
+ ممجهودكك اككترر منن ممييزز
وردهةة

متابعه مميزه
ربي يعطيك العافيه

متابعة جيدة أخي
ربي يسعدك ويحفظك من كل شر

مشكور للمتابعة

يسعد اوقاتك الامير
وشكرا ع المتابعه

يعطيك العافية علي المتابعة

جزاك الله خيرا

السلام عليكم ورحمة الله وبركاته


يسلمووووا ع النشرة الاخبارية المنوعة



يعطيك الف عافية



بانتظار جديدك دائما





تحيتي