أخبار_عالريق

#أخبار_عالريق 783 يوم
✅يكتبها/ #سعيد_الطويل

■الأجواء مشحونة والأمور مش مستقرة والأحداث قاعدة بتتطور شوية شوية بالقدس والضفة...وربنا يجيب إللي فيه الخير.

■شب زي الورد اسمه محمد أبو صلاح لسة عمره "17 سنة " استــ ـشهد برصاص اليــ ـهود في جنين بعد نص الليل.

■ع وجه الفجر فجروا دار الأسيـ ـر محمود جرادات واحد من خيرة الشباب الجدعان إللي نفذوا عملـ ـية حوميش

■اقتحامات وتهديدات وعربدة من المستوطنين لحي الشيخ جراح من أول وجديد.

■الفصا.ئل بتهدد بلهجة قوية ، لو قربوا اليــ ـهود من البيوت بالشيخ جراح مش حيحصل خير.

■الرئيس أبو مازن بيحذر انه ممكن الوضع يتفجر بأي لحظة بالقدس .

■مشير المصري بيقول انه مش حنسيب الشيخ جراح لحالها ونقعد نتفرج عليها

■ايتمار بن غفير العنصري تبع الكنيست أكل قتلة مرتبة بالشيخ جراح بعد ما عربد وعمل فيها زلمة وجاب مكتبه وبده يحطه هناك.

■18 حالة وفاة وأكثر من 3500 مصاب بالكورو نا جديد هذا بس إللي فحصوا

■الموجة الرابعة خاشة عنا وعايشة ومتعايشة ومتعايشين معها والأمور زي اللوز ،حتى الكمامة صرنا نخجل نلبسها.

■الأسبوع الجاي حتطلع دفعة جديدة من موافقات لم الشمل

■وفي دفعة جديدة كمان حتطلع من التصاريح للشغل جوا ال48

■يوم الاثنين 28-2 اجازة رسمية عشان ذكرى الإسراء والمعراج.

■ روحي فتوح بيقول لإسرائيل : حنروح لقرارات صعبة إذا ما استجبتوا لمنظمة التحرير ..ممممم 🤔

■المهم بيقلك طلع اليوم عيد الحب طبعا مضللوش لا طعم ولا لون ،من ورا التيك توك والهبل اللي بنشوفه هناك ،والدباديب الحمرا والمق المطبوع والميدالية إللي عليها حرفه وحرفها صاروا طلاب المدارس وهما مروحين من الثانوية يبعتوها ديلفري بعشرة شيكل عشان في ضريبة محدش يقول لأخوها ..

والخاطبين جديد حيجيب معاه قزازة عطر وشوية شوكولاطات بعشرين شيكل مصفطة عشان المنظر وحياخذ خطيبته ويطلع هوا واياها يقدحلوا كل واحد فرشوحة شاورما ضبل ويكتروا سلطات عشان تشبع ..

أما أخونا #أبو_فؤاد حيخش ع مرته بكيس بزيلا وربطة خبز ومعجون جلي عليه عرض وصحن نمورة صغير عشان ياكلوه لما الصغار يناموا

ما علينا سيبونا من كل المكتوب المهم #حبوا_بعض وديروا بالكم ع بعض
وتكسروش بخاطر حدا
ويا #صباح_الخير 🌹

14-2-2022 الاثنين

الله المستعان و ربنا يفرجها على الجميع

مشكور على الطرح أخي

الله يفرجهاا على الجميع
يسلموو ع الأخبار المنوعة
ربي يسعدك ويحفظك
طابت صبااحااتك

يسلمو

كل الشكر والتقدير

يعطيك العافيه

يسلمو امير ع المتابعة و النقل

كل الشكر والتقدير

.

يسسلمموو ديااتكك الامميرر ")
وردهةة