شعور سخيف

قولنا مش هنرجع لما نبعد
مش هنحن من تاني مهما نقعد
نعد ليالي غياب مفيش عتاب
ولو كنا موجعين
بس مين يقدر ع الحنين
ومين كان صادق لما وعد
انه يبعد ومهما يعدي سنين
لا* هيسامح ولا يطبطب
ولو ع القلب ووجعه
اهو عدت سنين وبقينا متعودين
وبنطيب بروحنا لوحدنا عادي
وبنتحمل كل يوم وجعه وبندادي
ونسكت
ما بنشكيش ولا نعاتب
عشان القلب لو اتكلم
هيخبط شمال ويمين
ولا هيفرق معاه زعله
وهيحاسب
والحساب هيبقى يومها عسير
ع قد الجرح ما هوا كبير
وع قد الحب ما هوا كبير
ما بيهونش علينا نشوفهم مجروحين
وتهون علينا روحنا ولا يهونوا
وننسى كل كلام قولناه
واللي حلف القلب ليعمله بينساه
اول ما يشوفها بيرتاح
ما بينا حاجات كتير
ما بينا ضحك وزعل وافراح
وبينا خناق
وبينا حب عدى بلاد عشان يلقاه
وبينا احلام وبينا اولاد
كنا نختار اساميمهم
كان ما بينا كلام محدش يعرفه غيرنا
ليالي سهرنا بنتكلم على احلامنا
ونتكلم على قدام
وبيتنا
ونتعاهد ما نتفرقش
ونتقابل في اغنية ونتقابل في قصيدة شعر
ونتقابل في احلامنا
مكنتش اخاف
عدت سنين فراق بقيت خايف
كنت اشوف روحي في عينيكي دلوقتي مش شايف
من يومها وانا ساكت
انا عايز اشوفك وش في وش
انا عايز روحي اللي اخديتها
وعايز قلبي اللي من يومها حزين
بعد اما كان جمبك
بقى دلوقت بدون اهداف
كنتي امنية يصللها
عشان تتجاب
انتي عارفة الشعور السخيف
ان الفراق ي دوب معداش
كنتي مع غيره
وما سبتيش للعتاب والرجوع سكه
كأنك كنتي قاصده يومها تسيبي
ويتحرق قلبه على سنينوا
على ايامه وحبه وشعوره
على كل اللي كنا بنعيشه
حسرة وكسرة
وقلب لا عارف يعيش تاني
ولو جه عليه بكرا
بيفضل كما هوا
بيستنى
وما بينساش