#أخبار_عالريق 360

#أخبار_عالريق 360
✅يكتبها/سعيد الطويل
■البلد مسكرة لليوم الثاني ،بالضبة والمفتاح .
■ع كلام الشرطة انه نسبة التزام الناس بمنع التجول قلطت ال 98٪
■ الشرطة حبست مبارح فوق ال450 واحد طلعوا من دورهم وقت الحظر ،ومعظمهم كانوا رايحيين يشتروا كولا.
■كل اللي انحسبوا اذا الله أراد حيطلعوا من هان للمغرب ،ويمضوا على تعهدات ميعدوهاش.
■خمسمية وخمس حالات كوو.رنا جديدة بغزة.
■طوشة بين السلطة وشباب بلاطة بنابلس وربنا يهدي البال.
■مسلحين طخوا مبارح على جيبات السلطة بالخليل عشان بدهمش منع تجول.
■فتح بتهدد المختار اللي طلع قبل كم يوم بيهدد الصحفي محمد اللحام وبتحكي ،أي مساس فيه مش حيحصل خير.
■7.ماس رافضة بشكل رسمي انه تسلم الجنود اللي عندها مقابل مشاريع اقتصادية ومساعدات طبيية كبيرة.
■استشه/د مبارح شب من نابلس عنده اعاقة ،متأثر برصاص الا.حتلا.ل قبل كم شهر.
■بعد ما وافقت عالتطبيع،أمريكا بدها تصدر سلاح للمغرب بمليار دولار.
■منخفض جوي بيقولوا عنه انه صعب جاي يوم التلات الجاي.
■في عنا بمستشفيات القطاع 151 حالة كور.ونا خطيرة جدا.
■بريد رفح حيكون مسكر الأسبوع الجاي عشان لقيوا مع كم موظف كوورنا ،يعني ال100دولار وزعت خير عالشعب .
■توفى شب عمره 27 سنة اسمه أحمد ابو الهطل بالكو.ورنا مبارح.
■افطروا شعيرية بسكر أو قرشلة وشاي ،وغيري يختي الطاقية الشتوية اللي لابساها من أول مبارح.
■نهفات وقصص اليوم حتكون أقل من مبارح ،كل جديد اله عليقة.
■اخوانكم المعتقلين بحملة الكور.ونا والمتواجدين بسجن بيت حانون والسجون الاخرى كلهم بخير وسلام وبيبعتولكم السلام.

#صباح_الخير للناس اللي مر عليها الحجر صعب ومحدش حس فيهم وقضوه بين أربع حيطان وكهرب قاطعة وجرة غاز على آخرها والأكل ربنا مسهلها معاهم ولياليهم طويلة ومرة.

#صباح_الخير للناس اللي فقدت عزيز عليها وغابت عنها بهيك ظروف اجواء جبر الخواطر والعزا والجمعة اللي بتخفف من الوجع ،الله يكون بعونكم.

#صباح_الخير لكل رب عيلة بيستنى بكرة الصبح يطلع عشان يرجع لشغله اللي بيهدد الحيل يسترزق ويجيب الاغراض اللي ناقصة بالدار .

#يسعد_صباحكم_بكل_الخير🌺
السبت 12/12/2020

يسعد صبآحك
وشكراً لآلك
ع الموجز

يسسلمموو الامميررر
+ وردهه

	السلام عليكم ورحمة الله وبركاته يسلمووووا ع النشرة الاخبارية المنوعة والمتابعة يعطيك الف عافية بانتظار جديدك دائما تحيتي

عوافي الامير

يسسلمووا الاممير
ممتاابععهه

مشكور ع المتابعة