طريقةة عمل الحواوشي المصري☺

المقادير

• 4 x عدد رغيف عيش بلدى
• 1 x معلقة صغيرة شطة
• 1 x معلقة صغيرة ملح
• 1 x عدد بصلة (مقطعة لقطع صغيرة)
• 1 x معلقة صغيرة جنزبيل (طازج مبشور أو بودر)
• 1 x معلقة صغيرة فلفل اسود مطحون
• ½ x كيلو لحمة مفرومة (ملبسة أو فيها نسبة دهن متوسطة)
• ½ x معلقة صغيرة قرنفل
• ½ x كوب فلفل أحمر حلو (مقطع لقطع صغيرة)
• ½ x معلقة صغيرة قرفة

الخطوات

1. هنخلط كل المقادير فى بولة كبيرة ونعجنها كويس.
2. هنقسم اللحم لأربع كرات وهنعمل فتحة فى ارغفة العيش علشان نحشيه.
3. هنفرد كرات اللحم كويس جدا جوة الرغيف ونقفله ونضغطه كويس باليد.
4. هنحط الرغيف على الوجه المطفى من ورق الفويل وندهنه من الناحيتين بشوية زيت قليليين جدا بس علشان ميلزقش فى الفويل ونقفل عليه كويس.
5. على صاجة الفرن هنفرد ورق زبدة وندهنه بالزيت ونحط عليه الأرغفة المغلفة بالفويل وتدخل الفرن على درجة حرارة 180 لمدة 20 دقيقة.
6. بعد 20 دقيقة هنقلب الأرغفة على الوش التانى ونسيبها فى الفرن 20 دقيقة كمان. وبكده يكون الحواوشى جاهز للتقديم.. بالهنا والشفا

اول مره اسمع في
بس من الصوره باين انو زاكي
الف شكر لالك منه

شكرا كتير علي الوصفة منة

ما ننحرم من جديدك

بنعمله دايماً
شكراً لك منة
تحياتي لك

اها بنسميه بغزة عرايس

وبنشوي ع الفحم او شواية الكهربا

بيكون طعمه زاكي كتير وبالاخص لما يكون بيحرق

يسسلمو منة ع الوصفة الطيبة

زاكي بحبه
مشكورة ع الوصفة منة
ماننحرم