لكل شه.يد قصة وجع 💔✌️

#هنا_غزة💔
احكيلكم عن الوجع؟؟

الوجع لما تكون طالع تصل رحم بالعيد وترجع تلاقي امك وأخوتك تحت الانقاض 💔

الوجع لما تكون الك سنتين خاطب وبس تروح ع خطيبتك يلي فرحكم تاني يوم عيد والكم سنتين عم تستنوه يقولولك ليكها بتلاجة الموتى بلا ما تشوفها لانه ما رح تقدر تتعرف عليها 💔
الوجع لما توعد بنتك وانت طالع انك رح تشتريلها العاب وما ترجع لانك صرت فتات ومش قادرين يلمو جثتك ! وما تنفذ وعدك لبنتك بسبب مغت.صب لعين💔

الوجع لما تكون نايم بأمان الله وتصحى تلاقي حالك انت وامك تحت الردم ومش قادر تقوم بس عم تترجاها ما تترك وتموت بجملة كلها وجع وقهر وعذاب وموت وحرقة ( يما تسبينيش امانة يما ، يما عشان الله اتنفسي يماا سمعيني صوتك يماا لا تموتي )! وما تقدر تقوم لانك انت وهي تحت الانقاض والحضن بينكم بهاي اللحظة محرم دولياً 💔

الوجع تكون نايم انت ومرتك واولادك الخمسة بس ما تصحى وتصحى منكم بنت بعمر ٣ شهور لتسأل كمان ٣ سنين عن اهلها والجواب است.شهدوا الله يرحمهم💔

الوجع إنك بسبب ٥٠ صا.روخ تكون ماسك امك بإيد ومرتك يلي ع وجه ولادة بإيد وفجأة تفقد الجنين وبعد الحمدلله وانك تصبر وتتحمل وتنزل ع شغلك لتنقذ ارواح تاني يوم ، تروح تفحص الموتى يلي بالتلاجة تلاقي إخوانك الاثنين!💔 يعني ابنك واخواتك بيومين

الوجع انك تنام وانت طفل عنده ١٠ سنين وتصحى تاني يوم عم تمشي بجنازة أبوك وتصرخ حسرة وقهر عليه 💔
الوجع إنك تكون إنسان ويحكولك في ٧ اشخاص تحت الانقاض وتنزل لحتى تنقذ روح وحدة عالأقل منهم تطلع وانت كلك قهر وتحكيلهم للاسف كلهم جثث امسحوهم من السجل المدني 💔
الوجع إنك تصحى وتلاقي بيتك يلي انولدت وتربيت فيه كلو ركام 💔

الوجع انه بس يست.شهد إمك او ابوك او اخوك او اختك او ابنك يحكولك مشوه مش رح تتعرف عليه ولا رح تقدر تنسى منظره فلا تودعه حتى ما تتعذب 💔

الوجع تكون ناطر انه يكون إلك ولد وبس يجيك ثالث يوم يست.شهد وتروح تدفنه 💔

الوجع طفلة عم تقول : دمروني نفسياً قبل ما يدمروني جسدياً 💔
الوجع إم وأب وأخ وأخت وعم وخال وخالة وجد ما قدرت تودعهم حتى
الوجع بيت وطفولة ورحمة و وطن يا عالم

قصص من بين ٢٠٠ قصة ، لكل شه.يد قصة وجع 💔✌️
حسبنا الله ونعم الوكيل

الله يرفع الاوجاع عن اهلنا في فلسطين وعن كل مظلوم

بارك الله فيك

مجهود رائع منكم
كل الشكر و التقدير

ربي يهونها على غزه وترجع مثل مكانت
يعطيك العافيه حبي

يا وجع القلب
ربنا يهونها
يسسعدك

فعلاً كل شهيد اله قصة وكل قصة بتوجع
الله يرحمهم ويصبر من بقى منهم ..

اقتباس   المشاركة الأصلية كتبت بواسطة انس تينا الله يرفع الاوجاع عن اهلنا في فلسطين وعن كل مظلوم بارك الله فيك

امين

نورت

اقتباس   المشاركة الأصلية كتبت بواسطة الأمير مجهود رائع منكم كل الشكر و التقدير

نورت

اقتباس   المشاركة الأصلية كتبت بواسطة شغف ربي يهونها على غزه وترجع مثل مكانت يعطيك العافيه حبي

امين

الله يعافيكي

نورتي

اقتباس   المشاركة الأصلية كتبت بواسطة αηƒαѕ αℓωαяd يا وجع القلب ربنا يهونها يسسعدك

ي رب وياكي

نورتي