أخبار_عالريق

#أخبار_عالريق 463 يوم
بعد السحور ✅يكتبها/سعيد الطويل
■الأخبار اليوم مش تمام ،بس الحمد لله على كل حال هذا الموجود رضا من ربنا.
■البلد حتسكر كل حاجة فيها، من بكرة ولمدة أسبوع من آذان المغرب لعند صلاة الفجر.
■يعني صلاة التراويح للأسف حتصلوها بدوركم لغاية ما ربنا يفرجها.
■تسكير الجمعة والسبت زي القرارات إللي قبل يعني فش حركة سيارات بس حيكون في تشديد.
■اليوم في 1268 اصابة وتقريبا عشر حالات وفاة حتعلن عنهم الوزارة الصبح والنسبة صارت31 في المية .
■الطفل طه رامي محفوظ عمره 6 سنين مات بعد ما دهسته فزبة بتل الهوا مبارح بالليل.
■عائلة العرعير سامحت وعفت عن السواق اللي من دار الفيومي إللي دهس بنتهم جنات قبل يومين.
■وقف سقف محل قديم في سوق فراس بغزة وفي شوية اصابات بس الحمد لله ربك ستر وأجت ع قد هيك.
■الرئيس التشادي إدريس ديبي فاز بالاتتخابات بالليل وقتلوه الصبح.
■الأونروا بتقول انه لسة عندها عجز رغم مصاري أمريكا ال150 مليون دولار إللي بتدفعهم .
■الوكالة حذفت بشكل رسمي الدين والعلوم من تعليمها الالكتروني واحنا ولا على بالنا.
■شفت صور عصير الفيمتو السنة عالستوريات عنا أكثر من صورها دبي نفسها.
■ 7. ما س بتقول انه فش اتفاق مع فتح أو أي جهة عشان تتأجل الانتخابات .
■نبيل شعث قال انه ممكن تتأجل الانتخابات إذا فشلت انه نعملها بالقدس.
■الجو اليوم حيكون شوب ع أبو خفيف يعني جو هيك خفيف نظيف.
■محمود العالول بيقول انه الإنتخابات الفلسطينية مستمرة وفش تأجيل حتى الآن.
■رامي ابو كرش صرح بالليل انه الرئيس عباس صادق على قرار حل ملف ال 2005 واعتمادهم جنود بالسلطة.
■حبسوا بمصر ثلاثة وعشرين متهما في قضية حادث قطار طوخ.
■خمسة وسبعين ألف جاجة ماتت من الشوب بمزارع غزة.
■من الآخر رمضان صار عنا بغزة من الفجر للمغرب ممنوع تاكل أو تشرب
ومن المغرب للفجر ممنوع تطلع أو تنزل .

#صباح_الخير للناس اللي بتحب الخير لغيرها من غير سبب ..هيك لله في لله
بتحس انه قلبهم بنط من الفرحة لما غيره يصير معاه حاجة كويسة ،كإنها صارت معه ..ربنا يكثر منها هذه الناس .

#صباح_الخير لكل واحد انحرم قعدة ولمة عيلته عشان المرض والوباء ،وكل سنة كان صوت ضحكتهم توصل الحارة الثانية ،يارب يزول هالغم وترجع الحياة لطبيعتها .

#يسعد_صباحكم 🌹
اليوم تسعة رمضان والأيام بتجري جراي
الأربعاء 21/4/2021

الججو خخفيف ققالل
+ يسسلمو الامميرر
وردهه

رئيس تشاد قاعد على الحكم 5 مرات ورا بعض
والنتائج كانت لولاية سادسة


الله المستعان

سلمت

مشكور ع المتابعة

يسلمو ع المتابعة
يعطيك االعافية

■نبيل شعث قال انه ممكن تتأجل الانتخابات إذا فشلت انه نعملها بالقدس.

ههههه عنجد احلف
بيفكرو حالهم دولة عنجد وفي حريه وانتخابات
ويا حرام اغلب الناس صدقت هههه

	السلام عليكم ورحمة الله وبركاته يسلموووووا ع النشرة الاخبارية المنوعة يعطيك الف عافية بانتظار جديدك دائما تحيتي

الله يفرجها
شكرا الامير ع المتابعه
عوافي

شكرًا لمتابعتك

يعطيك العافية لادراجك