أخبار_عالريق 351

#أخبار_عالريق 351
✅يكتبها/سعيد الطويل
■دخلنا اليوم بآخر شهر بالسنة شهر اطنعش ،أول مرة الناس تستنى آخر شهر بالسنة زي هذه المرة ،عشان بدهم يتعلقوا بقشة وبيدعوا ربنا يفرج هالكرب ويكون ختام هالسنة مسك وخير.
■بكشوفات مبارح في 808 حالة كورونا جديدة بالقطاع ،حيعلنوا عنهم اليوم الصبح.
■بطلوا يسحبوا عينات لأي واحد عمره تحت الخمسين سنة ،وكمان مش حيسحبوا الا للناس المشتبه معهم كوورنا واللي معهم أمراض مزمنة وربك يستر.
■ 5600 مسحة بغزة لسة منفحصوش بالمختبر ولاطلعت نتايجهم.
■بيقولوا بدهم يبعتوا 20 جهاز تنفس صناعي ع غزة.
■اليوم رواتب السلطة عالصراف ان شاء الله .
■220 حالة معهم كوورنا بس من الطواقم تبعت الصحة .
■اشترت الوزارة 50 ألف جرعة من لقاح (كورونا)،بيقولوا مجربات ومفعولهم تمام.
■ عشرة مليون يورو دعمهم الاتحاد الاوروبي للسلطة عشان يغطوا التحويلات الطبية.
■7ماس رحبت ببيان الرئيسين عباس والسيسي وقالت عنه كلام حلو.
■نتنياهو بده يروح يزور مصر كمان كم يو
■اليهود أفرجوا مبارح عن الصبية الجدعة ميس أبو غوش بعد سنة ونص من حبسها.
■ بيقلك بايدن بده يشكل المكتب الاعلامي اللي عنده ،كله من البنات بدون ولادكر.
■الناس الغلبانة الطيبة اللي بتاخذ شيكات الشؤون بتنسى بتصريح يطل فيه المجدولاي عشان يعرفوا راسهم من رجليهم.
■غانتس بيقلك بدنا نحل الكنيست ونخرب الدنيا ونعمل انتخابات مبكرة.
■احتمال كبير يسكروا "اسرائيل " فترة طويلة عشان قصة الكوورنا.
■البندورة والخيار الخمسة بمية .
■حتلاقو نص منشورات الفيس بوك اليوم عن بداية شهر اطنعشر كانه بداية سنة ،يا عمي الناس تعبانة وانهد حيلها وبدها أي حاجة تتأمل فيها .

شكراً لآلك

متابعه مميزه
سلمت اياديك

شكرا الامر ع متابعتك
وعوافي ع جهودك

ايا ريق ي زلمه

تعشيت مرتين وباقيلي مرتين هههههههه

يسسلمووو للاخبار والمتابعه

تحياتي

يسسلموو الأممير
وردهه

مشكور للمتابعة

	السلام عليكم ورحمة الله وبركاته يسلموووووا ع النشرة الاخبارية المنوعة يعطيك الف عافية بانتظار جديدك دائما تحيتي

مششكور ع النقل