أخبار_عالريق

#أخبار_عالريق 474 يوم
بعد السحور✅يكتبها /سعيد الطويل
■بدناش نطول عليكم اليوم عشان الصلاة والعبادة بالعشر الأواخر وربنا يتقبل منا ومنكم كل أعمال الخير يارب .
■المهم الوضع بالشيخ جراح والقدس كل ساعة بيزاد سوء عن اليوم إللي قبله ..وربنا يستر.
■مبارح في مستو طن طعن شب مقدسي بكل عنجهية وبطلجة.
■الله ينكد عليهم مبارح قبل الفطور هجموا عالناس إللي بيفطروا بالشيخ جراح بمشهد صعب عالآخر ويمكن شفتوه .
■الأمور من هان ليوم الأحد الجاي إذا اقتحموا المستو طنين القدس زي مهما مخططين مش حتعدي ع خير .
■أبو حمزة الناطق باسم السر ايا قال انه لو تمادى الاحتلا ل حتمتد الشرارة
لمستو طنات ما بعد الغلاف.
■ تفعل رابط ال100 دولار تبعت العمادي وحيبلش الصرف اليوم عالساعة8 من البريد.
■مولعة مع محمد أخوي وقصي إبن خالي وكبشة الشباب اللي حجبوا أساميهم من
المنحة .
■رواتب السلطة برضه حتنزل عالصراف اليوم ان شاء الله .
■بالنسبة لل100 دولار اللي كانت حتنصرف لموظفين غزة ،تقريبا مزبطش الموضوع ،بس ان شاء الله تزبط معهم من هان لقبل العيد .
■شيكات الشؤون لهلحين محددوش موعدها للأسف ..الله يكون بعون الناس وربنا يريح بالهم.
■اللي رواتبهم مقطوعة من الشهد اء والجر حى والأ سرى حتنصرف رواتبهم السبت والأحد الجايات.
■علاء الريماوي وقف اضرابه بشرط يفرجوا عنه الشهر الجاي.
■اعتقوا اليهو د مبارح شادي الطور مسؤول فتح بالقدس.
■الأسواق زحمة والحركة مش شد ايدك والأمور فيها بس شوية لحلحة زغيرة.
■كيلو الجاج بتسعة شيكل وكيلو فخاذ الحبش بإطنعشر.
■بيقلك نازل كيلو شوكلاته بالبلد بمية وأربعين شيكل ومع وقية قضامة هدية.
■ع قولة أبو فؤاد اليوم في ضغط عالمندي وتقريبا آخر أيام العزايم بتشطب قاعدة.

#صباح_الخير للي صلى وقام ودعا وشكر وناجى وطلب واترجى وعيط وقرا قرآن وحكى خير وعمل كمان خير ومقصرش بجيرانه ولا بخواته ونال رضى أمه ..يا بختك وربنا يحفظك ويتقبل ..

#صباح_الخير لبياع بسطة الفلافل المحشية اللي بيفتح بس عالسحور وريحة فلافله بتفتح النفس .

#صباح_الخير لكل صاحب فيه الخير لأصحابه وبيضل سندهم بحضورهم وغيابهم.

#جمعة_مباركة
7/5/2021 اليوم 25 رمضان 🌹

..

صبحنا بشهيدين
هو ضل ريق

سلمت للنقل

الله يكون معهم وينصرهم
تسلم للنقل

تآآنكيوهه أممير
+ وردهةة

شكراً للمتابعة

مشكور ع الاخبار المنوعة والمتابعة


تحيتي