أخبار_عالريق

#أخبار_عالريق 865 يوم
✅يكتبها/ #سعيد_الطويل

■عريس جديد زفوه للجنة استــ ـشهد ،على وجه الفجر بنابلس اسمه غيث يامين ،وجه زي البدر الله يرحمه.

■مبارح فوق ال75 اصابة مبارح بمواجهات نابلس.

■اليــ ـهود اعتقلوا الضابط بالوقائي محمد الطوباسي بتهمة قتل الضابط نعوم راز قبل كم يوم في #جنين

■العمادي روّح زعلان ومرجعش حتى الآن

■بس عشان تطمئنوا ،حتنصرف المنحة القطرية ان شاء الله بكرة الخميس

■حركة فتح بتدعي للنفير العام في القدس يوم 29 /مايو الحالي.

■طلال أبو ظريفة بيحكي ..الإصرار الإسرائيلي على مسيرة الأعلام هو لـعب بصـواعــ ق التـفجيــر.ات

■سلامة معروف صرح انه كل الإجراءات التي بتعملها "وزارة المالية والاقتصاد" بغزة بتصب في مصلحة المواطن

■ركود عالآخر في حركة البيع والشراء في أسواق #غزة ،إلا بمحلات المكياج

■حكموا بالإعدl.م شنقاً على المتهم بقتل الطفل محمود شقفة سنة 2019 في رفح.

■غانتس بيبطلج وبيهدد انه مسيرة الأعلام حتمشي زي ما بدنا ومش ع كيف حدا

■وساطات قوية داخلة بالموضوع عشان احتواء الموقف

■مستفيدو الشؤون الاجتماعية بيهددوا انهم حينزلوا للشارع حتى تنصرف مستحقاتهم

⚽️فش أي تأجيل لأي مباراة في الجولة 18 من دوري غزة بما فيهل مباراة الديربي بين خدمات وشباب رفح

■كيلو الخيار بشيكل وخمسة كيلو شمام بمية.

■سوق الطير البلدي مولع نار ، وسعر الجاج زي مهوا بالعلالي

■استمرار حالة الاستنفار في البيوت في اليوم الثاني لامتحانات المدارس

#صباح_الخير والرزق وراحة البال
وربنا يبعد عنكم الناس المسرمجة والباهتة والمصلجية والناس إللي بتحبش الخير لغيرها

وقولوا يارب بنية الفرج

الأربعاء 24-4-2022 🌹