أخبار_عالريق

#أخبار_عالريق 855 يوم
✅يكتبها/ #سعيد_الطويل

■خبر وحيد كان مسيطر على كل وسائل الاعلام والانترنت بكل لغاته ولهجاته اغتيال الانسانة #شيرين_ابو_عاقلة

■مئات الادانات والاستنكارات والبيانات الرسمية العالمية والدولية والعربية والمحلية والسفارات ومؤسسات الصحافة من شمالها لجنوبها استنكرت جريمة اغتيال شرين.

■في مطالبات رسمية بعمل تحقيق رسمي بالاغتيال بس اسرائيل زي كل مرة حتطلع منها زي الشعرة من العجين

■استــ ـشهد مبارح شب صغير اسمه ثائر اليازوري من رام الله

■شب كمان من القدس طخوه اليــ ـهود من نقطة صفر ووضعه صعب جدا بالمستشفى.

■شيع أهالي خانيونس مبارح جثمان الشـהــيد محمود عرام،إللي استشهد قبل كم يوم بخانيونس

■تحقيقات جيش الاحـتـ لال الأولية بتقول انه الطلقة إللي انطخت فيها شيرين كان m16 من بعد 150 متر.

■لحتى الآن مش معروف حيشيعوا شيرين أبو عاقلة اليوم ولا حتتأجل الجنازة لبكرة

■منصة كافي 24 لسة ما سكرت ،بس بأي لحظة حتتبخر .

■حركة نشطة بموضوع الروجيم بعض رمضان.

■الحركة بالمحلات راكدة بعد العيد وملاحظ انها صارت تسكر بدري شوية

■موسم البحر والسباحة والصيف تأخر كثير هذه السنة ،لحتى الآن بنطلع بجاكيتات وبنتغطى بحرام ثقيل

■للتذكير ضايل لرواتب شهر خمسة أكثر من عشرين يوم

■كمان شغلة بدنا نذكركم فيها انه شيكات الشؤون ما انصرفت الها سنة ونص والموضوع هيك صار بده حراك.

#صباح_الخير لشيرين ابو عاقلة وروحها وأبطال الصحافة ،أصحاب مهنة المتاعب ونقل الحقيقة، لروح ياسر مرتجى وفضل شناعة ويوسف أبو حسين وأحمد أبو حسين ومحمد الديري وعبد الله فحجان ،لمحمد ظاهر وعبد الله مرتجى وحمادة مقاط وعلى أبو عفش ومحمد الديري
لأبطال الحقيقة كل الحقيقة لكم كل السلام

الخميس 12-5-2022

السلام عليكم ورحمة الله وبركاته



يسلموووا ع النشرة الاخبارية المنوعة


يعطيك الف عافية


بانتظار جديدك دائما





تحيتي

الله يفرجها
مشكور امير ع الأخبار

كل الشكر والتقدير

يسسلموو لججهودكك الأمميير
+ وردهةة

تسلم لنقل والمتابعه