أخبار_عالريق

#أخبار_عالريق 674 يوم
✅يكتبها / #سعيد_الطويل

■الضفة عطلت مدارسها وروضاتها وجامعاتها اطنعشر يوم ورا بعض عشان الكو رونا.

■غزة فش فيها تسكير ولا تشديد ،عنا أولادنا بياكلوا الزلط.

■المهم انه مواعيد دوام الساعة 8 لمدارس الصبحية تمددت ليوم17-2.

■توفى عامل غلبان من غزة كان شغال باسرائيل اسمه جمال معروف بحادث سيارة.

■شب عمره عشرين سنة لقيوه ميت بظروف غاضمة بالخليل.

■ المكافحة مسكت احدعشر فرش حشيش كانوا جايات لسهرة الخميس برفح.

■وفد من الأوقاف راح ع مصر عشان يرتب موضوع العمرة.

■بيقلك رفح فيها أكثر نسبة طلاق وأقل نسبة جيزة.

■أربع تلاف حالة طلاق بالقطاع سنة 2021،نصهم بتلاقيهم ع قصص تافهة .

■رواتب غزة للمتقاعدين اليوم حتنصرف بالبنوك.

■مبارح خمس حالات وفاة وفوق الألفين وخمسمية حالة كو ورنا جديدة بغزة.

■المهم هذا العدد ولا حاجة لسة ،أصلا البلد بتنعف نعف كور ونا ،عشان هيك المفروض يحجروا إللي معهمش ويطلقوا إللي معاهم براحتهم.

■بكرة جاييكم الخير والمطرة والسقعة ،شكلكم اشتقتولها.

■غانتس بيقول انه بيحافظ في غزة ع سياسة التسهيلات وبدوش دوشة.

#الله_يصبحكم_بالخير 🌹واليوم متأخرين شوية..و #هلا_بالخميس
3-2-2022