اخبار عالريق

اخبار عالريق
■بكرة حتفتح الجوامع بغزة بنفس نظام الجمعة اللي فاتت ،ويوم الأحد ان شاء الله حيصلوا بالمسجد الأقصى.
■اكتشفوا أول حالة كورونا مبارح بقلقيلية وسكروا كل المدينة.
■لقيوا شب مشنوق ببيت لحم والشرطة والنيابة قاعدة بتحقق.
■شحن من الكبار تبع الغاز بدير البلح ولعت فيه النار والدفاع المدني سيطر عليه وربك ستر .
■من تاني يوم العيد قاعدين بيدوروا ع الفنان أيمن صفية ،ومبارح لقيوا جثته بحيفا.
■الوكالة طلعت شهادات أولاد المدارس الإبتدائية والإعدادية ونشروها عالنت .
■الأردن حتعمل منع تجول من اول وجديد ابتداء من يوم الجمعة.
■الأمور مولعة بين ترامب والصين وشكله هالمجنون مش حجيبيها البر.
■سعر الدولار اليوم بالسوق ب3.51 شيكل.
■بيقلك في دراسة جديدة بتقول انه نسبة كبيرة صارت تسيب الفيس وتروح ع برامج ثانية تتابعها.
■المباحث مسكت اللي سرقوا 10000دينار ودهب بخمسة تلاف من خانيونس بنفس اليوم.
■عقموا المدارس وجهزوا القاعات جوا الوطن وبالشتات وبيستنوا ب78ألف طالب وطالب من فرسان التوجيهي يوم السبت.
■لسة فش أي أخبار جديدة عن المنحة القطرية وكل الروابط المنشورة مضروبة.
■بيقلك لاقين أم بريص متحللة جوا كيس شيبسي وولد صغير ماكل منه و متسمم ومودينه عالمستشفى.
■حيرجعوا يلعبوا كورة بغزة ،وحيبلشوا بمباريات الكاس بس بدون جمهور .
■اليوم في اجتماع مهم لمركزية فتح برام الله.
■بدول الخليج لحالها صار عدد اصابات الكورونا فوق ال200 ألف.

#صباح_الخير للمتوكلين علىظ الله وقاصدينه مع طلعة كل شمس .
-صباح الخير للمتسهلين من الصبح ع رزقتهم ونواياهم صافية.
-صباح الخير للناس اللي بتنوي الخير من أول ما تصحى لعند ما تنام.
-صباح الخير لسواق الأجرة وراعية الغنم والشب الجدع اللي بينقل ع تكتك .
-صباح الخير لطلاب التوجيهي وربنا يكون معهم ويريح بالهم.