أخبار عالريق ❤

#أخبار_عالريق 54

✅يكتبها/سعيد الطويل
■احنا بعز الأربعينية يعني الجو لسة سقعة زي ما هو، والله أعلم اليوم ما في مطر الا رشرشة بعد العصر.
■مليون وربع مليون طالب بالوكالة والحكومة حيرجعوا اليوم عالمدارس وحيبدوا بالفصل الثاني.
■اليهود كسروا فرحة الجزرية الكرام ،ومنعوا الافراج عن ابنهم الأسير علاء ،اله محبوس 18سنة وخلص محكوميته.
■بيقلك قطاع غزة ييدخن تقريبا 4 مليون علبة سجاير بالشهر.
■كيكي عينوه بشكل رسمي مدرب جديد لبرشلونة لسنتين ونص تقريبا.
■"إسرائيل" وافقت انها تدخل 500 تاجر زيادة من غزة.
■50 شحن محمل بغاز الطبيخ حيدخل من مصر لغزة يوم الخميس الي جاي ، غير هيك ضخ الغاز حيكون كمان كل يوم من اليهود ،والسعر زي ما هو.
■سعر الطير البلدي والزغاليل والأرانب رخصان شوية..الي بده يرم عظمه.
■دبي بدها تبني أعلى برج بالعالم طوله 360 متر وفيه 82 طابق.
■الصحة فتحت لجنة تحقيق بقضية وفاة ميسون العقاد وعيلتها بتتهم الأطباء بالإهمال.
■زمان زي اليوم بالمدرسة كنا نقول كم كعكة جبت للسقايط ، واحنا مروحين بنعمل مظاهرة "الصبحية حرامية والظهرية فدائية" 😊.
■الي غسلت يوم الأحد ونشرته اليوم تلمه الظهر تتوكل ع الله حتى لو مش ناشف .
■المعتمرين مبارح بالليل وصلوا بالسلامة ومعبر رفح فاتح اليوم عادي للمسافرين .
■برتقان أبو صرة الأربعة بمية وزي العسل .
■اذا ابنك قلك من هان ليوم الخميس انه ما وزعوا الشهادات اعرفي أنه ماكل هوا واسحبي حالك وروحيلوا عالمدرسة.

و #صباح_الخير لكل أم نشيطة صحيت تفطر وتلبس وتمشط أولادها ..
ولكل عامل رايح ع شغله ولكل أستاذ وأبلة وموظف راح ع رزقه وكل شب قاعد بيستنى بفرج ربنا.. 🌹