حلاوة .. زمــــــــاان

حـــــــــــلاوة زمـــــــــــــــــــــــان

زمان كانت كل حاجة حلوة

زمان اللمه كانت حلوة ومفيش يوم الا اما كل العيله تتجمع...
زمان كانت البيوت والاثاث بسيط وكانت البيوت مليانه دفىء و حب وراحة بال
دلوقتى قصور واثاث ملوك والبيوت كلها نكد ومرض وهم وغم
زمان مكنش كل حاجه يقولوا عليها حسد لانهم عمرهم ما شكوا فحبهم لبعض
دلوقتى كل حاجة نرميها على الحسد

حـــــلاوة زمـــــــــــــــان


زمان الضحكه كانت صافيه وطالعه من القلب دلوقتى مصطنعه....
زمان الفلوس كانت فيها بركه وبتكفى وميحتاجوش بقية الشهر
زمان الحب كان مالى كل القلوب مكنش فى حاجه اسمها غل وحقد وحسد
زمان الخير كان كتير وكان فى ادى وخد
زمان الصحه كانت زى الفل رغم الاكل البسيط
دلوقتى كل الاكل على الافرنكا و مليان كيماويات ومرض
يبقى هتيجى منين الصحه

حـــــلاوة زمـــــــــــــــان

زمان كانت الشوارع هاديه وتشتهى تمشى فيها دلوقتى الزحمه خنقتنا
زمان كنا نروح ونيجى لبعض من غير الو ولا معاد دلوقتى مينفعش الا بمواعيد
زمان كان فى احترام بين الناس دلوقتى اسهل حاجه اذية بعضينا باللسان
زمان كان التلفزيون قناتين وكان له طعم وهدف دلوقتى قنوات متعدش ومن غير لازمه
ولا هدف وكله اباحه وقرف

حـــــلاوة زمـــــــــــــــان

زمان كانوا ينجحوا من غير دروس وعلى لمبة قاز
دلوقتى ميزانيه لدروس ومبيفلحوش
زمان الرجوله كانت فكل بيت .. يعينى دلوقتى انقرضت الا من رحم ربى


حـــــلاوة زمـــــــــــــــان

زمان الستات مبقتش زى زمان كانت الامهات تغسل باديها
احلى من غسيلك يا فولؤتمتك وكل اعمال البيت
وهى واقفه على رجليها . ولا عمرها شكت ولا ملت وكل دا بتعمله بحب
. بزمانا كل حاجه بقى لها ماكينه وجهاز اخترعوه
ومع ذلك بنشتكى من تعبنا و قله الوقت والملل والنت الوخدنا من بيوتنا واولادنا ومن حبايبنا


حـــــلاوة زمـــــــــــــــان

زمان كانت اللقمه لها طعم ويا اللمه
ولقمه هنيه بسيطه تكفى ميه .. دلوقتى بنتجمع كل فين وفين على السفره
المعاش زمان مسكين مدقش طعم الحياة الحلوة


حـــــلاوة زمـــــــــــــــان

زمان كانت كل حاجه حلوة وبسيطه واحلى ما فيه جدتى ويا حكايه تقصها لينا لطيفه
زمان رمضان والعيد والاجازة والافراح كانوا طعم تاني



حـــــلاوة زمـــــــــــــــان

زمان

والله زمان يا زمان