عبارات عميقة في معناها

كتير صح ..

1-كلام الناس كلو غلط، طالما مالو طالع من امك أو أبوك..

2-أنجح العلاقات أخفاها. .

3-كليتك العالية مو دليل إنك عبقري، ولا كليتك العادية دليل إنك غبي..

4- الأمل بهالوقت عامل متل 'التليفون الارضي' ، ما الو أي لزوم بس لازم يكون موجود..

5- إذا ما عرفت تكون ''بنادول''، حاول ما تكون صداع. .

6- إنت مو محور الكون مهما كنت مشهور..

7- مو كل إلي بيضحك بوشك بيحبك، ولا كل إلي بيمرق من ناحك من دون ما يسلم عليك بيكرهك..

8- مو شرط الناس تصفقلك مشان تكمل الشي إلي عم تعملو .. لو بتحبو كمِّل فيه حتى لو ما حدا عطاك إهتمام أصلاً. .

9- عيش حياتك أنت ، ما تقلد أي حدا مهما كانت درجة نجاحو..

10- بحياتك لا تعمل شرخ ب روحك ورا حدا، مين ما كان. .

11- كل شي رح يمرق، بس و هو عم يمرق رح يترك شوية شغلات ما بتمرق. .

12- حاول تحافظ على حلاوة البدايات أطول فترة ممكنة.

13- كل شي بالدنيا إلو تمن لازم يندفع، مشان هيك لازم تكون عرفان عم تستغني عن شو كرمال شو، مشان ما تندم..

14- السن لما عصبو يموت مستحيل يرجع يلمع عليك.. عامل الناس كلها بالأسلوب هاد..

15- كل مشكلة و إلها أكل. .

16- مشاكلك لو طلعت برا قلبك و حكيتها، بتكون عم تزود عليهن وحدة كمان ..

17-شوية الشوي اللي ضالين عندك، حافظ عليهن، هدول راسمالك بالدنيا..

18- ‏عمرك بالهوية غير عمرك بالمراية غير عمرك مع حدا بتحبو غير عمرك و أنت فرحان غير عمرك و أنت زعلان، جوات عمرك عمر تاني..

19- الحرام قبل العيب، و ربك قبل الناس..

20- ستين عمر أم الناس..

/
\
/
\

قصي