لما تتصل بشركآت الإنترنت!

لما تتصل مع شركات الانترنت


- مرحبا يعطيك العافية النت كتير بطيئ عندي .
- خلينا نجرب أستاذ نطفي الراوتر ونرجع نشغله
- جربت قبل ما استفدنا شي
- لمبة الراوتر شو وضعها عندك ؟
- شغالة
- مركب Splitter ع خط التلفون
- نعم مركب
- خط التلفون عندك في وصلات ؟!
-لا
- ولا حتى الخط الخارجي يلي جاية من العلبة
- لا كمان
- كييف هيك استاذي ؟!
- انا واصل خط خصوصي من العلبة للراوتر مباشرة بدون اي وصلات
- طيب الخط بيمرء من جنب شي خط كهربا
- لاء
- الخط بتضربه شمس قوية او بتشتي عليه
- لا انا واصل الخط بتيوب من الفولاذ مشان احميه من كل العوامل الخارجية
- في عندك حيوانات أليفة ؟
- لاء
- طيب عندك ولاد صغار بالبيت
- لاء
- طيب جيرانك أكيد عندهم اولاد صغار
- لاء انا ما عندي جيران
- زرت شي دولة من دول حوض المتوسط بآخر عشر سنين
-لاء
- في حدا بالعيلة كان يشتغل بشي معمل ؟!
- اه أبوي ليش ؟


- استاذي اي حدا بيشتغل بمعمل بيستخدموا فيه كربون يلي بسبب آثار غير محسوسة وجزيئات ميكروسكوبية جوات الرئة لسنين طويلة , وممكن لو والد حضرتك عطس شي مرة بالبيت بآخر خمس سنين الجزيئات بتطلع منو وبتنتشر بالجو وبتستقر ع خط التلفون وبتعمل تآكل بصير فيه ثقوب ميكروسكوبية وهاد يلي بخلي النت عندك يقطع .
- معقول ؟!!!
- طبعا هي شغلة معروفة استاذي
- يعني المشكلة مش من عندكم ؟!
- لا المشكلة بوالد حضرتك استاذي
- طيب ألف شكر , انا رح غير الوالد
- تحت امرك استاذي , في سؤال تاني ؟!
- لا شكرا
- اهلا وسهلا وشكرا لاتصالك!