أخبار_عالريق 1101 يوم

#أخبار_عالريق 1101 يوم
✅️يكتبها /#سعيد_الطويل

▪︎نص حبة فسيخ وسالخ حبة ونص رينجا وصحن سُماقية جاييله من نسايبه وهو طالع قدح علبة كولا كلوب ساقعة ولما وصل عند دار أخته عجبه المعمول ما وفره وكمل عيده فرحان مبسوط والاحصائية النهائية بعد ما وصل الدار الساعة تسعة بالليل
▪︎خمسطعشر حبة معمول
▪︎سبع حبات كعك بسكر وبدون
▪︎3 حبات حلو ماكنتوش غير إللي بالجيبة كبشهم كبش
▪︎في كمان 5 حبات حلو تركي زي إللي بالاعلانات
▪︎وقدح 6 فناجين قهوة وما رضي يكثر
▪︎وكاستين عصير عالسريع
▪︎وحط بجيبته كبشة فستق أبو قرون إللي بنفخ نفخ
▪︎ومن دار خالته شوية ترمس ع فول نابت معمول مخصوص
▪︎وزاد من ورا ابنه نص فرشوحة شاروما أكلها بالسيارة وجبتها
وبالآخر بيجي يقلك ما رضيت أتقل بالعيد عشان ما يصير معي تلبك ..

▪︎المهم فش ولا وحدة دخلنا دارهم إلا بتقلك هو في بعد كعكنا (أشهر كلمة كيف كعكنا دوقته ؟)

▪︎عليا الطرشاق انه فلاتر العيد ملهاش لا دين ولا ضمير

▪︎ولد صغير وقع بجورة صغيرة وهو بيلعب جنب الدار ومات بخانيونس

▪︎باص خمسين راكب قلب في جورة برضه بغزة والحمد لله فش إصابات

▪︎موسم الخطوبة وكتب الكتاب اشتغل وتنشط من أول وجديد وشكله حيتفعل بقوة هذا الصيف

▪︎عشان تذكروهم وتنكدوا عليهم بعد بكرة المدارس والامتحانات عالأبواب

▪︎جماعة التوجيهي.. الله يكون بعونكم شدوا الهمة

▪︎أصلا هذا العيد بدون نظارات وشاورما بيزبطش مع الصغار

▪︎بيجامات العيد حاجة مقدسة بتلت تيام العيد

#صباح_الخير بثاني أيام العيد السعيد
وكل عام وانتم بخير..

أمانة الله كيف العيد معكم ؟؟🤔
السبت 22-4-2023

كل عام و انت بخير امير
يسلمو ع المتابعة

يسسعدكك اححلى امميرر

عواااافي للنقل

يسسسلمموو الامميرر ��

كل الشكر

السلام عليكم ورحمة الله وبركاته



يسلمووووا ع النشرة الاخبارية المنوعة



يعطيك الف عافية



بانتظار جديدك دائما






تحيتي