أخبار_عالريق

#أخبار_عالريق 883 يوم

✅يكتبها / #سعيد_الطويل

■صباح كله وجع وقهر وألم لكن مليان عزة وفخر برجال ثلاثة تسابقوا عالموت على وجه الفجر (براء لحلوح ،يوسف صلاح ،ليث أبو سرور اغتالتهم يد الغدر في #جنين بدم بارد.

■غضب كبير واضراب شامل في #جنين ومخيمها الصامد على أرواح الأبطال الثلاثة

■اثنين شباب انقتلوا بجر.يمة إطلاق نار بمنطقة بسمة طبعون في الداخل المحتــ ـل مبارح بالليل.

■راجل عمره بالأربعينات من دار المدهون عمل حادث بمعسكر جباليا وتوفى وهو بيلقط رزقه.

■طفل عمره 16 سنة مات برضه بحادث سير في جنين مع تراكترون.

■شب كان سايق فزبة بالعشرينات من عمره مات بحادث سير في العيساوية بالقدس

■غانتس بيقلك أعطيني هدوء بعطيك تسهيلات

■2000 تصريح جداد لغزة حيبلش التسجيل فيهم بشهر 8 الجاي وهيك العدد صار أربعطعشر ألف تصريح

■رئيس غرفة تجارة وصناعة رام الله بيقلك في 30 ألف فرصة عمل جاهزة برام الله لكن فش عمال يشتغلوا.

■وضع الأسيـ ـر الطفل أحمد مناصرة صعب عالآخر بالسجن وظروفه النفسية سيئة ويادوب بيقدر يتكلم

■اليــ ـهود بيحكوا بتقارير جديدة الهم انه الوضع هيك مش حيطول وحركة (ح) حتضربلها ضربة مفاجئة .

■بكرة شباب توجيهي بدهم يقدموا فيزياء للعلمي وتاريخ جماعة الأدبي ،كان الله بعونهم

■شركات الحج والعمرة بلشوا توديع حجاج غزة باحتفالات بتشرح القلب

■لسة لحتى الآن مش معروفة آلية العمل بالمعبر فترة سفر الحجاج .

■مكافحة المخدرات مسكت بغزة 18 ألف حبة اترامال وسعادة وحاجات زي هيك وشوية مصاري .

■جامعة النجاح رجعت الطلاب إللي انفصلوا وجامعة فلسطين استقبلت رئيسها المفرج عنه من نيابة غزة

■اكتشفوا الاصابة السادسة من جدري القرود "باسرائيل"

■الشمام والبطيخ صاروا العشرة كيلو بمية

■الجاج عنا ب14 شيكل وبالضفة ب18 الكيلو

■حكومة غزة عاملة مشروع تقسيط الأضاحي لموظفينها والخصم من الراتب

يارب اجبر خاطر كل واحد مكسور ..
#جمعة_مباركة اكسبوا فيها الصلاة عالنبي محمد صلى الله عليه وسلم 🙏

ييسسلموو الأمميـرر
+ وردهةة

يعطيك العافية
لادراجك هالاخباار ..

يسلمو الامير الك
تحياتي

شكراً لك للمتابعة الجيدة
يعطيك العافيه أخي
ربي يسعدك ويحفظك
طابت مساءاتك

السلام عليكم ورحمة الله وبركاته



يسلموووووا ع النشرة الاخبارية المنوعة



يعطيك الف عافية



بانتظار جديدك دائما

ربي يفرجها على الجميع
تسلم يمناك