#أخبار_عالريق 234

#أخبار_عالريق 234
✅يكتبها/سعيد الطويل
■هذا يخوي فتح و7.ماس اتفقوا يعملوا مع بعض مهرجان وطني بغزة حيحكي فيه الرئيس أبو مازن كلمة وكمان كلمة لهنية والحضور حنكون احنا وكل الفصائل.
■حسب ما صار خراف شبه رسمي من المالية والحكومة انهم حيصرفوا جزء من رواتب الموظفين وشيكات الشؤون قبل العيد ان شاء الله.
■اشتية حكى انهم حيصرفوا مصاري لدفعة جديدة للناس اللي تضررت من الكورونا بالضفة وغزة .
■المهم بلشت الوكالة باتصالها على الناس اللي طلع الهم 40دولار من اللي بيستلموا الكابونة الصفرا.
■حد الله ما حد عنده علوم لسة عن ال100دولار تبعت المنحة القطرية ،الا اذا الشباب خلوها تزمر بالغلاف .
■مفتى فلسطين بشكل رسمي أعلن انه اليوم هو المتمم لذو القعدة والجمعة مش الجاية اللي وراها عيد الأضحى ،كل عام وانت بخير.
■7.ماس بتقول انه مهرجان غزة حيأسس لمرحلة وفاق وطني جديدة
■الليلة اللي فاتت وزي كل مرة اليهود قصفوا مواقع دفاع جوي بسوريا ،وسوريا استنكرت طبعا وبشدة.
■7.ماس بتقول انه قصف الاحتلا.ل لسوريا "بلطجة" و "عربدة".
■توفى عالريق راجل كبير عمره ثمانين سنة من الخليل وبهيك صار عدد اللي ماتوا عنا من الكوورنا 67 حالة.
■الحالات قلط عددهم عنا فوق ال8000حالة معظم من الكبار بالعمر.
■غير التلاتة اللي أول مبارح ،،توفى كمان شابين بأراضي ال48 بحوادث قتل جديدة.
■الكورونا قاعدة بتجتاح العالم بجنون وعدد اللي ماتوا صاروا فوق ال613 ألف والاصابات قلطوا ال15مليون بني آدم.
■اللي ناوية تشتري تواعي لأولادها عشان العيد ،بحب أذكرك يختي انه المدارس بعد العيد ع طول ،وفرحتك حتكون فرحتين ،بالمرة وفري ع حالك وجيبي البنطلون أزرق وجيبي عليه قميص ولا بلوزة تنفع للمدرسة.
■بشوف في عرض على وقية القهوة صايرة بأربعة شيكل وبتنطحن قدامك كمان.
■أم شاؤول الأسير اللي عنا بغزة بتقول بدنا نتفاوض مع 7.ماس عشان نطلعوا.
■الاتحاد الأوروبي تبرع بأربعة مليون دولار النا عشان الكورونا غير تبعون الأسبوع اللي فات.
■أبو مازن استقبل وزير خارجية مصر برلم الله وحكوا بمواضيع مهمة.
■حكموا على تاجر مخدرات بخانيونس مبارح بالسجن خمسطعشر سنة .
■مسكوا مبارح الزلمة اللي قتل بنته قبل عشر سنين بالخليل .

#صباح_الخير لكل واحد بيحاول يضحك وما يبين همه قدام مرته وأولاده مع انه من جوا ماكل هوا وبيشد ع حاله عشان ما يحسسهم بوضعه ،على أمل يتغير هالحال.

#صباح_الخير لكل أهل زوجة بيحسوا ببنتهم وظروف جوزها وقلة المصاري وبيقصروش معاها لما ينقص عليها حاجة وبيضلوا سند حواليها.

#صباح_الخير لكل ست بتفاجئ جوزها عالصبح بمناقيش زعتر سخنة مع كاسة شاي حلوة من اللي يحبها قلبك .

#صباح_الخير للناس اللي بيحبوا النسكافية اكثر من تعون القهوة ومش عاملين ضجة ولا دوشة بالبلد وفي منهم كثير مثقفين ع فكرة.🙂

#صباح_الخير #صباح_الرزق 🌹

ييسسلموو ع ممتابعهه
وردهه

يعطيك الف عافية

يعطيك العافية لادراجك

شكراً لك