تجربة اجتماعية " لما قرارك يكون غلط ونفسه صح لما يتخذه غيرك "

ﺗﺰﻭﺟﺖ ﻭﺍﻧﺎ ﻋﻤﺮﻱ 20
ﻛﻨﺖ ﺷﺎﻳﻔﺘﻪ ﻭﻣﺶ ﻣﺼﺪﻗﺔ، ﺷﺐ ﻃﻮﻳﻞ ، ﺣﻠﻮ، ﻣﺤﺘﺮﻡ ، ﺍﻭﻝ ﻣﺎ ﻓﻜﺮ ﻳﺘﻘﺪﻣﻠﻲ ﺣﺒﻴﺘﻪ ﻭﺍﻧﺎ ﻛﻨﺖ ﻟﺴﺎﺗﻨﻲ ﻃﺎﻟﺒﺔ ﺳﻨﺔ ﺍﻭﻟﻰ ﺑﺎﻟﺠﺎﻣﻌﺔ
ﻛﻨﺖ ﻣﺒﺴﻮﻃﺔ ﻭﻃﺎﻳﺮﺓ ﻓﻲ، ﺑﻐﺎﺭ ﻋﻠﻲ ﻛﺜﻴﺮ، ﻭﻋﺼﺒﻴﺘﻪ ﺑﺘﺠﻨﻦ، ﻛﻨﺖ ﺍﻛﻴّﻒ ﻟﻤﺎ ﻳﺤﻜﻴﻠﻲ ﺑﻘﺺ ﺭﻗﺒﺘﻚ ﺍﺫﺍ ﺷﻔﺘﻚ ﻭﺍﻗﻔﺔ ﻣﻊ ﺯﻣﻴﻞ ﺣﺘﻰ !
ﻭﻋﺎﻟﻄﺎﻟﻌﺔ ﻭﺍﻟﻨﺎﺯﻟﺔ ﻳﺘﺪﺧﻞ ﺑﻜﻞ ﺷﻲ ﺑﺤﻴﺎﺗﻲ، ﺍﻧﺎ ﻛﻨﺖ ﺑﺪﺭﺱ ﻓﻨﻮﻥ ﻭﺣﻠﻤﻲ ﺍﺻﻴﺮ ﻓﻨﺎﻧﺔ ﻣﺸﻬﻮﺭﺓ ، ﻭﺍﻓﺘﺢ ﻣﻌﺎﺭﺽ ﺧﺎﺻﺔ ﻓﻴﻲ،ﻗﺒﻞ ﻣﺎ ﺍﻋﺮﻓﻪ ﻛﻨﺖ ﺩﺍﺋﻤﺎ ﺍﻧﺰﻝ ﺭﺳﻮﻣﺎﺕ ﺍﻟﻲ ﻋﺎﻟﺼﻔﺤﺔ ﻭﺍﻟﻜﻞ ﻳﺤﻜﻴﻠﻲ ﺍﻧﻲ ﻣﺴﺘﻘﺒﻞ ﻓﻨﺎﻧﺔ ﺭﺍﺋﻌﺔ، ﺑﺲ ﻟﻤﺎ ﺧﻄﺒﻨﺎ ﺳﻜﺮﺕ ﻛﻞ ﺷﻲ ﺍﻟﻪ ﻋﻼﻗﺔ ﺑﺎﻟﻨﺖ، ﻭﺿﻠﻴﺖ ﺍﺣﻜﻲ ﻣﻌﻪ ﻋﺎﻟﺘﻠﻔﻮﻥ ﺑﺲ ﻷﻧﻪ ﺑﻐﺎﺭ !
ﺣﺘﻰ ﺑﻄﻠﺖ ﺍﺭﺳﻢ ﻣﺜﻞ ﺯﻣﺎﻥ، ﻭﺑﺎﻟﺠﺎﻣﻌﺔ ﺗﺮﺍﺟﻌﺖ ﻛﺜﻴﺮ، ﻛﺎﻥ ﻭﺿﻌﻪ ﺍﻟﻤﺎﺩﻱ ﻣﻨﻴﺢ ﻭﻫﺎﻟﺸﻲ ﻛﺎﻥ ﻣﺮﻳﺤﻨﻲ ...
ﻭﺍﺣﻨﺎ ﺳﻨﺔ ﺛﺎﻟﺜﺔ ﺣﻜﺎﻟﻲ ﻻﺯﻡ ﻧﺘﺰﻭﺝ؛ ﻗﻠﺘﻠﻪ ﺍﺳﺘﻨﻰ ﻻﺧﻠﺺ ﺟﺎﻣﻌﺔ ، ﻗﻠﻲ ﺷﻮ ﺑﺪﻙ ﺑﺎﻟﺠﺎﻣﻌﺔ ﺍﻧﺎ ﺑﺸﺘﺮﻳﻠﻚ ﻛﻞ ﺷﻲ ﺑﺪﻙ ﻳﺎ ﺑﺪﻭﻥ ﻣﺎ ﺗﺸﺘﻐﻠﻲ !
ﻭﺑﻌﺪ ﺍﻛﺜﺮ ﻣﻦ ﻣﺮﺓ ﻫﻮ ﻳﻘﻨﻌﻨﻲ ﻧﺘﺰﻭﺝ، ﺍﻗﺘﻨﻌﺖ ﻧﺘﺰﻭﺝ ﺑﺲ ﺃﺃﺟﻞ ﻓﺼﻞ ﻭﻧﻜﻤﻞ ﺑﻌﺪﻳﻦ !
ﺗﺰﻭﺟﺖ، ﻭﻟﺒﺴﺖ ﺍﻟﻔﺴﺘﺎﻥ ﺍﻟﻲ ﺑﺤﻠﻢ ﻓﻲ ﻃﻮﻝ ﻋﻤﺮﻱ، ﻭﻛﻨﺖ ﻣﺜﻞ ﺍﻷﻣﻴﺮﺍﺕ ﻟﻴﻠﺔ ﻋﺮﺳﻲ ...
ﺍﻭﻝ ﺷﻬﺮ ﺯﻭﺍﺝ ﺻﺮﺕ ﺍﺣﺲ ﺑﺸﻲ ﻏﺮﻳﺐ، ﻏﻴﺮﺗﻪ ﻋﺸﻐﻼﺕ ﺗﺎﻓﻬﺔ ﺻﺎﺭﺕ ﺗﺨﻨﻘﻨﻲ ﺑﺪﻝ ﻣﺎ ﺗﺒﺴﻄﻨﻲ، ﻋﺼﺒﻴﺘﻪ ﺍﻟﻲ ﻛﻨﺖ ﺑﺤﺒﻬﺎ ، ﺻﺮﺕ ﺍﻛﺮﻫﻬﺎ !
ﺑﺲ ﺣﻜﻴﺖ ﻳﻤﻜﻦ ﻷﻧﻪ ﻟﺴﺎ ﺟﺪﺍﺩ ﻭﻣﺎ ﺗﻌﻮﺩﻧﺎ ﻋﺒﻌﺾ، ﺭﺟﻊ ﻫﻮ ﻋﺸﻐﻠﻪ ﻭﺍﻧﺎ ﺻﺮﺕ ﺍﻗﻌﺪ ﺑﺎﻟﺪﺍﺭ ﻃﻮﻝ ﺍﻟﻴﻮﻡ، ﺻﺮﺕ ﺍﺯﻫﻖ، ﻭﺍﺷﺘﻘﺖ ﻟﻠﺠﺎﻣﻌﺔ ﻭﺍﻟﺪﺭﺍﺳﺔ، ﺣﻜﺘﻠﻪ ﺑﺪﻱ ﺍﺭﺟﻊ ﻋﺎﻟﺠﺎﻣﻌﺔ، ﻗﻠﻲ ﺃﺟﻠﻴﻬﺎ ﻛﻤﺎﻥ ﻓﺼﻞ ﺧﻠﻴﻨﺎ ﻧﻌﻴﺶ ﺣﻴﺎﺗﻨﺎ، ﻭﺍﺍﻧﺎ ﺳﻤﻌﺖ ﻛﻼﻣﻪ،
ﻳﻮﻡ ﺗﺨﺮﺝ ﺩﻓﻌﺘﻲ، ﺍﺗﺼﻠﺖ ﻋﻠﻲ ﺻﺎﺣﺒﺘﻲ ﺗﻌﺰﻣﻨﻲ، ﺍﻧﺎ ﻛﻨﺖ ﻭﻗﺘﻬﺎ ﺣﺎﻣﻞ ﺑﺎﻟﺸﻬﺮ ﺍﻟﺜﺎﻟﺚ، ﺑﻌﺪ ﻣﻠﻴﻮﻥ ﻣﺤﺎﻭﻟﺔ ﻣﻌﻪ ﻗﺒﻞ ﻳﺨﻠﻴﻨﻲ ﺍﺭﻭﺡ ﻋﺎﻟﺤﻔﻠﺔ، ﺷﻔﺘﻬﺎ ﻛﺎﻥ ﻣﻌﻬﺎ ﺯﻭﺟﻬﺎ، ﻭﻛﺎﻥ ﻭﺍﻗﻒ ﻣﻌﻬﺎ ﺯﻟﻤﺔ ﻛﺒﻴﺮ ﺑﻬﻨﻴﻬﺎ ﻋﺘﻔﻮﻗﻬﺎ ﺑﺎﻟﻤﻌﺮﺽ؛ ﺣﻜﺘﻠﻬﺎ ﺍﻱ ﻣﻌﺮﺽ؟
ﺣﻜﺘﻠﻲ ﻗﺒﻞ ﺍﺳﺒﻮﻉ ﻭﻣﺴﻜﺖ ﺑﺈﻳﺪ ﺯﻭﺟﻬﺎ ﻓﺘﺤﺖ ﻣﻌﺮﺽ ﺧﺎﺹ ﻓﻴﻨﻲ ﻭﺣﻘﻖ ﻧﺠﺎﺍﺍﺡ ﻛﺒﻴﺮ ﻭﺭﺡ ﺍﺳﺎﻓﺮ ﻋﺎﻳﻄﺎﻟﻴﺎ !
ﺯﻭﺟﻬﺎ ﺍﺑﺘﺴﻢ ﻭﺣﻜﺎﻟﻬﺎ ﺭﺡ ﻧﺴﺎﻓﺮ ﺳﻮﺍ، ﻛﺎﻥ ﺍﻟﻔﺨﺮ ﺑﻌﻴﻮﻧﻪ، ﻛﻴﻒ ﻣﺸﺠﻌﻬﺎ ﻋﻜﻞ ﺧﻄﻮﺓ؛ ﻭﻛﻴﻒ ﺑﺤﻜﻲ ﻋﻨﻬﺎ ﺑﻜﻞ ﺛﻘﺔ
ﻛﻠﻤﺔ ﺣﻜﺎﻫﺎ ﺍﻧﻐﺮﺯﺕ ﺑﻘﻠﺒﻲ ﻣﺜﻞ ﺍﻟﺮﺻﺎﺻﺔ، ﺻﺎﺭ ﻳﺤﻜﻲ ﺍﻧﺎ ﺍﺻﻼ ﻓﺨﻮﺭ ﺑﻨﺠﺎﺡ ﻣﺮﺗﻲ !
ﺑﺼﻮﺕ ﻫﺎﺩﻱ ﻣﻨﻲ ﺳﺄﻟﺘﻪ ؛ﻭﻣﺎ ﺑﺘﻐﺎﺭ ﻋﻠﻴﻬﺎ؟
ﻗﻠﻲ ﺑﻐﺎﺍﺍﺭ ﺑﺲ ﻭﺍﺛﻖ ﻓﻴﻬﺎ، ﻭﻭﺍﺛﻖ ﺑﻨﺠﺎﺣﻬﺎ؛ ﻭﺍﻧﺎ ﻣﻌﻬﺎ ﺩﺍﺋﻤﺎ ....
ﺩﻣﻌﻮﺍ ﻋﻴﻮﻧﻲ، ﻭﺻﺮﺕ ﺍﻣﺸﻲ ﻟﻌﻨﺪ ﺍﻟﻜﻠﻴﺔ ﺗﺒﻌﺘﻲ؛ ﺗﺬﻛﺮﺕ ﻗﺪﻳﺶ ﻛﻨﺖ ﺑﻨﺖ ﻣﻠﻴﺎﻧﺔ ﻃﻤﻮﺡ ﻭﺷﻐﻒ ﻭﺣﺐ ﻟﻠﻨﺠﺎﺡ،
ﻛﻨﺖ ﻗﺒﻞ ﻣﺎ ﺍﺷﻮﻓﻬﺎ ﺍﺣﻜﻲ ﺍﻟﺰﻭﺍﺝ ﻣﻨﻌﻨﻲ ﻣﻦ ﺗﺤﻘﻴﻖ ﺍﺣﻼﻣﻲ ﺑﺲ ﺑﻌﺪﻫﻢ ﺍﺗﺎﻛﺪﺕ ﺍﻧﻪ ﺍﺧﺘﻴﺎﺭﻱ ﺍﻟﻲ ﻣﻨﻌﻨﻲ ﻣﻦ ﻫﺎﻟﺸﻲ
ﻭﻛﻴﻒ ﺑﻌﺪ ﻣﺎ ﺗﺰﻭﺟﺖ ﻧﺴﻴﺖ ﻫﺪﻓﻲ ﻭﺣﻠﻤﻲ، ﺍﻛﺘﺸﻔﺖ ﺍﻧﻪ
ﺍﺧﺘﻴﺎﺭﻱ ﺍﻟﻲ ﻛﺎﻥ ﻏﻠﻂ ﻣﺶ ﺍﻟﻐﻠﻂ ﺑﺎﻟﺰﻭﺍﺝ؛ ﻻﻧﻪ ﻫﻴﻬﺎ ﺗﺰﻭﺟﺖ ﻭﺑﺘﺤﻘﻖ ﻛﻞ ﻟﻲ ﺑﺒﺎﻟﻬﺎ؛ ﺭﻥ ﺗﻠﻔﻮﻧﻲ ﻛﺎﻥ ﺯﻭﺟﻲ ﻣﻌﺼﺐ ؛ ﺷﻮﻭﻭ ﺑﺘﻌﻤﻠﻲ ﻣﻊ ﻣﻴﻴﻴﻦ ﻭﺍﻗﻔﺔ ﺍﻧﺎ ﺍﻟﺤﻖ ﻋﻠﻲ ﻟﻲ ﺧﻠﻴﺘﻚ ﺗﻄﻠﻌﻲ ...
ﻣﺎ ﺣﻜﻴﺖ ﻭﻻ ﻛﻠﻤﺔ ﻭﺳﻜﺮﺕ ﺍﻟﺘﻠﻔﻮﻥ، ﻭﺭﺟﻌﺖ ﻛﻤﻠﺖ ﻣﺸﻲ ﻭﻋﻴﺎﻁ !
ﺍﻋﻴﻂ ﻋﺸﻮ ،،،، ﻋﻤﺴﺘﻘﺒﻠﻲ ﻭﺣﻠﻤﻲ ﺍﻟﻲ ﺿﺎﻉ ...
ﻻ ﺗﺘﺰﻭﺟﻲ ﺍﻻ ﺣﺪﺍ ﻳﻐﺎﺭ ﻋﻠﻴﻜﻲ ﻣﻦ ﺍﻟﻔﺸﻞ؛ﻳﻌﺼﺐ ﻋﻠﻴﻜﻲ ﻟﻤﺎ ﺗﻮﻗﻔﻲ ﻭﻣﺎ ﺗﺴﺘﻤﺮﻱ، ﻻ ﺗﺘﺰﻭﺟﻲ ﻭﺍﻧﺘﻲ ﻣﺒﺴﻮﻃﺔ ﻋﻐﻴﺮﺗﻪ ﻭﺷﻜﻠﻪ ، ﻫﺪﻭﻝ ﺑﻌﺪ ﺍﻟﺰﻭﺍﺝ ﺑﺼﻴﺮﻭﺍ ﻳﺨﻨﻘﻮﻛﻲ !
ﺣﻠﻮ ﺍﻟﺰﻭﺍﺍﺝ ﺍﻟﻲ ﺍﺳﺎﺳﻪ ﻓﻬﻢ ﻭﺍﺣﺘﺮﺍﻡ ﻭﺣﺐ ، ﻭﺍﻟﻨﺠﺎﺡ ﺍﻟﻲ ﺑﺤﻘﻘﻮﺍ ﺍﻝ 2

صحيح كلامك
المصاري ما بتعمل شي ولا بتخلينا مبسوطين من جوا

بس النجاح مع المصاري بعملو شغلات كتيرة
واهمها الطموح والاهداف اللي كنا تسعالها

شخص واحد قادر يمنعك ويخليك فاشل للاسف

فعلا الغيرة الها حدود
ولازم نغار علي اللي بنحبه بحدود المعقول
ولازم نشجعه ع النجاح والتقدم مو ع الفشل والتقهقر
شكرا لك

كل شي اله حدود حتى الغيره
لو كانت زياده بتصير تخنق وبتحول العلاقه لجحيم
الزوج المحب بجد هو يلي باخر بايدك وبفرح لنجاحك ولتحقيق احلامك
حبيت طرحك خالد وللأسف هالشي بصير بحياتنا
عوافي خالد

الدعم مطلوب برضو للشريكة
والزواج مش انغلاق
وهذا المفهوم للأسف غلط من قبل كثير من الأزواج
قصة واقعية
مشكور خالد

فعلاا اكثر شغلة مستفزة انه اللي بتزوج بنت وبوقف تعليمها
وما بكون الها سند لتحقق احلامها وطموحاتها ويشجعها ع الشغلاات اللي بتحبها وموهوبة فيها
لازم نختار صح ..
يعطيك العافية لادراجك ..