مدرسة للرقص الشرقي ... !؟ وغيره !؟

@الإمبراطور محمد

بدآية يسعد مسآك وكل أوقآتك خيو
أولاً فتح ع العين والرآس كل شرفاء ونزهاء الشعب الفلسطيني
سواء من فتح أو حماس أو غيرهم
ماحدا أنكر جهود فتح ولا أنكر مقاومتها
كلنا عارفين مين فتح ومين أسسها وشو هي
لكن بعد وفاة أبو عمار الله يرحمه فتح بطلت فتح
صارت كلها مصالح وكلها خيانة وتسلط وجبروت واضح مثل عين الشمس

وشغلة بدي أنوه لها الجهاز العسكري لحكومة حماس معزول ومفصول عن الجهاز الحكومي
يعني انت لما تجي تحكي احكي عن حكومة حماس لا تخلط بين القسام وحماس
لانه القسام فصيل مقاوم وكلنا مع المقاومة اما حماس الحكومة في اللي معها واللي ضدها
وهالأمر مفروغ منه


وتعليق ع جملتك هذه
كان زمانهم بيشتغلو عربانجية الحين صارو مسائيل هههههههه علي اي شهادة
شكلك نسيت أبو زنوبة مهرية محمد دحلان كيف كان يروح فيها ع الجامعة
وهياتو صار من أكبر رجال الأعمال وأغنى أغنياء فلسطين وصار مسؤول ومش بعيدة
كمان تلاقيه رئيس بعد عباس , الملخص انه ربنا بغير مابتغير قادر يرزق بين يوم وليلة
من لاحول له ولا قوة بحوله هو وقوته يعني بلا منها الفلسفة اللي مالها داعي لانه هالأمر بايد ربنا وحكمته
مش بشطارة حماس ولافتح

وتعقيب ع جملة أفتخر انه رئيسي وحماس بتتسر بالدين
ماشي ياعم أنا بدي أمشي معك حماس بتتسر في الدين وفتح اللي بتكفر يعني ؟!

رئيسك عباس بصلي وبحج ويقرأ كتب دينية وبستفتي الهباش وبواطنة وعنده مصلى في المقاطعة وبحزن اذا ارتفض يطلع من غزة شخص لحج أو عمرة
لكن مآ بحزن لحصار شعبه في غزة ولا لتنسيقه الأمني مع اليهود واللي بترتب عليه من فتنة سياسية وقتل وأسر ودمار وقصف واعتداءات
ومابخجل لما يطلع ع التلفزيون يحضن ويبوس في اللي بقتلوا أبناء شعبه وبتحالفوا ضد شعبه
وبعملوا كل مجزرة ولا أختها فيه
طب انت بتقول حماس منافقة وحماس بدها مناصب وحماس وحماس
ياعمي حماس زبالة بس زبالة عن زبالة بتفرق ولا انها في الآخر بتضلها زبالة
زبالة حماس بتضلها أشرف من عباس بمليون مرة
لسه حماس بتنشئ مخيمات أشبال وطلائع مش بتنشئ مدارس رقص وبتطلع تحضر حفلات
وتستقبل مطربين وممثلين عندها وولاد شعبها مابتستقبلهم
روح ابحث عن رؤوس الأموال لولاد عباس شو قديش رصيد في بنوك برا هذا المصرح عنه
فما بالك المخفي
حماس بتركب كايات ع اساس فتح اللي بتركب كارات حمير ماهي بتركب أفخم سيارات
والموكب تبعها بسكر الشارع مثلها مثل مابتعمل حماس
ماهي حماس حكومة متل ماعباس حكومة
الانتخابات كانت نزيهة وفازت فيها حكومة انتخبها الشعب ليش يجي عباس يضيق عليها
ويخنقها ويرفضها ويقول للموظفين استنكفوا وهيهم لليوم مستنكفين بقبضوا وهما مرتاحين
وبالمقابل موظفين حماس بتشتغل زي الدواب ليل بنهار وفي الاخر ع نص راتب كل شهرين تلاتة
طب ازا حماس زبالة ياعباس ولاد شعبك شو ذنبهم
مثل يااللي ماتت امه وابوه جاب لهم مرت أب تعذب فيهم
اذا مرت الأب طاغية شو ذنب الأولاد
افهموا ياعالم بكفي تضلكم شعب مغيب امعة
حماس بدها كراسي طب مااحنا مالحقنا نشوف خيرها من شرها
من يوم ماقعدت ع الكراسي وهما خانقينها
والله لو جبتو امام مسجد ولا صاحب بار
أول مايقعد ع الكرسي ليلزق ويبيع حاله مش بس ضميره
زمن صلاح الدين الأيوبي وعمرو بن العاص ولآآآ زمان
احنا في اخر الزمن وعلامات اقتراب يوم القيامة الشغلة الوحيدة اللي اتفقنا عليها
انه عمرنا ماراح نتفق ولا نتوحد ولا نجتمع تحت راية الاسلام ونقول الله ثم الوطن
شعب مغيب

حكمت المحكمة غيآبياً على الأخ الامبرآطور محمد
بإعآدة عملية غسيل الدماغ لديه
رفعت الجلسة