أخبار_عالريق

#أخبار_عالريق 781 يوم
✅يكتبها/ #سعيد_الطويل

■الأخبار اليوم خفيفة نظيفة فش فيها لا زحمة ولا دوشة ولا حوادث بتسم البدن ،وفش فيها كمان لا قبضات ولا زيادات ولا شيكات شؤون في عنها علوم ولاحتى خبر عن منحة العمادي ،فيها شوية تصريحات هان وهناك وكم خبر يمكن تستفيدوا منهم بدقيقة وحدة والسلام ...

■المهم الريس أبو مازن قال بكلمة إله ببرزة شهد،،اء نابلس :حنرد الصاع صاعين، ومش حنسمح بتكرار جريمة الاغتيا،ل في نابلس.

■20 حالة وفاة و5000 حالة جديدة أعلنت عنها الصحة معها كور ونا.

■التربية والتعليم بدهم يعطوا اللقاح ل 50 ألف طالب مدرسة من مدارس الإعدادية.

■بولندا بدها تبعت إلنا 300 ألف جرعة لقا.ح جديدة .

■بكرة حيفتتحوا المستشفى الإماراتي للكو.رونا بخانيونس ،مساحته 12 دونم وبيقلك فيه أحدث التجهيزات ومرتب خالص.

■موسم العمرة قرّب بغزة ،وفي وفد طلع ع مصر عشان يرتب الأمور بشكل نهائي .

■المهم العزايم خافف سوقها هالفترة ،بتعرفش هيا الناس مفلسة ولا زهقانة بعض.

■عليا الطرشاق انه الخضرة أغلى من تلت ترباع الفاكهة الموجودة بالسوق .

■الجاج بتسعة شيكل الكيلو والدولار سعره بلش يطلع شوية شوية وهيو وصل 3.22

■أزمة الغاز وصلت دار #أبو_فؤاد واله خمس تيام الله وكيلك باعت جرته عشان يعبي نصها ولليوم ما وصلته.

■ضايل 50 يوم لرمضان ربنا يبلغنا رمضان لا فاقدين ولا مفقودين.

#صباح_الخير للناس إللي فش عندها اجازات يوم الجمعة ،لكل واحد بيسيب فرشته الدافية وحرامه التقيل عشان يقوم بعز السقعة يلقط رزقه المكتوب .

#صباح_الخير للناس إللي بترابط عالحدود من شرقها لغربها ومن شمالها لجنوبها ،الله يقويكم ويحميكم أحلى شباب .

#صباح_الخير للحج طيب الذكر إللي بيصحى من الفجر بيصحى أولاده وأحفاده بيخليهم يصلوا جماعة وبيقعد يقرا قرآن لصلاة للصبحيات ،بعدها بينزل عالسوق يجيب أزكى أكلة ليوم الجمعة..

#الله_يوسع_علينا_وعليكم
اكسبوا الصلاة على حبيبنا محمد صلى الله عليه وسلم 🌹
الجمعة 11 فبراير 2022

ربنا يهدي البال ويصلح الحال
يسلمو ع المتابعة
جمعة مباركة
عوافي

يسلمموو ع النشرة الإخبارية
والمتابعة الجيدة أخي
ربي يسعدك ويحفظك

كل الشكر والتقدير

ييعطيكك الفف ععافيةة
+ مججهودكك رووعهةة
وردهة

الله يفرجها ع الجميع
يسلمو امير ع المتابعه
وعوافي ع جهودك

الله المعين
شكراً لك

يسلمو على النقل
تحياتي

مشكور امير للمتابعة

السلام عليكم ورحمة الله وبركاته



يسلموووووا ع النشرة الاخبارية المنوعة



يعطيك الف عافية



بانتظار جديدك دائما