أخبار_عالريق

#أخبار_عالريق 543 يوم
✅يكتبها /سعيد الطويل
■ريحناكم يومين من دوشة الأخبار ،لانه كلها بتسم البدن وفش فيها ولا خبر عليه العين وبصراحة الواحد كان موده مش تمام.

■خذوا عندكم جرعة عالريق فيها كبشة أخبار لهذا اليوم وليلة مبارح وربنا يهدي البال.

■أول خبر هو استش/ هاد فتى صغير بالعمر السنة هذه بالثانوية اسمه عماد حشاش من مخيم بلاطة بنابلس

■المهم بشكل رسمي سلالة دلتا الجديدة تبعت الكور ونا دخلت غزة وانتشرت الانتشار اللي يحبه قلبك كمان 🙂

■الصحة أعلنت التشديد ولبس الكمامة ووقف العمليات كلها بالمستشفيات.

■عاملين سحبة ع 200 دولار للناس الكبار بالسن إللي بيتطعموا ،اقنع أبوك يتطعم يمكن تطلع الجائزة من نصيبه يا ناجي .

■المستشفيات فيها فوق ال100 حالة خطيرة من الكور ونا.

■ معبر رفح مسكر لليوم الثاني والناس ماكلة هوا وبدها مصالحها تمشي وربك يفرجها .

■الفصائل اتفقوا انه يكون في مسيرة كبيرة بكرة عالحدود.

■الشباب ملاحقتش مبارح تطيير بلاللين مولعة عالغلاف.

■مبارح اليهو د قصفوا عنا من زود العز مرتين ونزلوا البيان برضه مرتين.

■اعتقلوا من حاجز ايرز مبارح التاجر حسن الشرافي ،واليوم كمان اعتقلوا كمان تاجر اسمه أحمد دردونة.

■سكروا مدرستين وكالة محشيات كور ونا ،وحدة بالشمال والثانية بغزة

■وزارة الصحة بتقول انه الرجعة للمدارس والجامعات هو سبب انتشار الفايروس من أول وجديد وأم علي وجاراتها بينفوا المعلومة.

■كل موظف بيتطعمش بالضفة ،حيعطوه اجازة بدون راتب .

■المنحة القطرية ملهاش أي علوم بهذا الوضع إللي ملوش راس من رجلين.

■مبارح دخل حديد واسمنت من كرم أبو سالم.

■ الجندي إللي انهبد بطلقة بنص راسه لسة حالته خطيرة ،ان شاء الله بنسمع خبره هاليومين.

■وقبل ما ننسى زي اليوم و قبل سنة بالضبط دخلت الكوورنا لغزة واكتشفوا أول حالتين بالمغازي وتسكرت البلد وصار منع التجول

النشرة صح طويلة شوية بس يعني كلها بتاخذش معك قراية دقيقتين ،عشان تعرف كل أخبار البلد وتقدر وانت بالسيارة تفتي وترد عأي حد بيقعد يبرم أو يحكي خبر من تأليف نسايبه..

#الله_يصبحكم_بالخير والسعادة ويرزقكم من وسعه ..🌹
الثلاثاء 24-8-2021