أخبار_عالريق

#أخبار_عالريق 305
✅يكتبها/سعيد الطويل
■بدم بارد أعدم الاحتلا.ل مبارح الشب النوارة الأ.سير المحرر سمير أحمد حميدي من بلدة بيت ليد شرق طولكرم.
■فجأة وبدون ما نتغلب زي المرة اللي فاتت بنفخ البلاللين والانتظار ،أعلن العمادي عن صرف ال100 دولار هذا الشهر لكل عيلة استلمت أربعطعشر مرة وعدد أفرادها فوق السبع تنفار والصرف بكرة ان شاء الله .
■ال100دولار اللي انصرفت الشهر الي فات لمتضرري الكورونا هي لمرة وحدة بس ومش حتنصرف ثاني هذا الشهر.
■مبارح طلع صارو.خ من عنا عالسريع هيك ،راحوا ردوا بعد شوية بقصف نقطة برفح ونزل والبيان وسكروا الملف.
■بغزة المدينة لحالها مبارح من الظهر لليل اكتشفوا 80 حالة جديدة بالكورونا وبخانيونس عشرين يعني العدد اليوم حيفط ال100حالة.
■خففت الداخلية اجراءات جديدة وفتحوا شارع عمر المختار طول الأسبوع.
■أي جامع بيتلزمش بطرق الوقاية والسلامة.. الأوقاف حتسكره.
■بكسة البندورة انباعت مبارح بتسعين شيكل.
■احدعشر حالة وفاة وفوق ال350 اصابة كورونا جديدة بالضفة و73 بغزة و62 بالعاصمة هذا بس من مبارح اليوم.
■بالخليل لحالها من أول الفايروس اكتشفوا سبعطعشر ألف حالة .
■النيابة العامة حطت كل الورق الخاص بقضية مقتل الصراف البشيتي بالمحكمة يعني الأمور قربت لاعدام الزلمة اللي قتل.
■المفتي العام بيطلب من المزراعين انهم يطلعوا زكاة الزيت والزتون.
■انقتلت مبارح ست واتصاوب جوزها بجريمة لمجموعة طخت عليهم وشردت بالجليل.
■ الجو زي مقلنالكم اليوم حيكون شوب ليوم الجمعة.
■‏الشؤون الاجتماعية رجعت مخصص
200 عيلة كانت تاخذ مصاري من برنامج المساعدات النقدية بغزة.
■السعودية قدمت دعم للوكالة بخمسة وعشرين مليون دولار.
■‏7.ماس بتقول انه ترتيب البيت الفلسطيني حيكون تحت مظلة منظمة التحرير.
■للعلم بس الأ.سير ماهر الأخرس اليوم اله 72 يوم مضرب عن الطعام بالسجن.
■الدولار اليوم بتلتمية وأربعين شيكل لكل مية دولار.
■
#صباح_الخير وهداة البال والفكر الرايق والجيبة العمرانة والنفسية المرتاحة والصحة اللي زي البمب والشغل المريح والمكافئات الحبطرش والأسعار الرخيصة والناس اللي بتحب بعض وعروض السفر ومشاريع الشباب وسمك المينا وعزايم يوم الخميس ورحلات المدارس وطلعات المشاوي وانتظام الرواتب وتصفير المستحقات والعروض عالمكيفات وانتظام الكهرب وحل مشكلة المية وتبييض السجون وتحرير البلاد والعباد والأ.سرى والمسرى.