أخبار_عالريق

#أخبار_عالريق 787 يوم
✅يكتبها / #سعيد_الطويل

■واحد هامل ضل يضرب بمرته "نهى ياسين" لعند ما قتلها في دارهم بحي الزتون بغزة .

■توفى راجل اسمه نائل عيد ، عمره "42 سنة" بشكل مفاجئ وهو بيحضر بحفلة عرس أخوه بالمغازي.

■ولد صغير اسمه بسام سلمية مات بعد ما دهسه واحد من قرايبه بالغلط بالخليل.

■مستوطن حا.قد دهس ولد بالابتدائية في قلقيلية

■فوق ال150 اصابة في مواجهات مع اليــ ـهود مبارح في بيتا وبيت دجن والشيخ جراح

■8 تنفار بحي الشجاعية بغزة تصاوبوا بانفجار جسم مشبوه وحالتهم منيحة الحمد لله.

■شب من رفح أجاه مولود جديد سماه أيهم كممجي ع اسم بطل من أسـ ـرى نفق الحرية

■13 واحد مات يوم الجمعة من الكو رونا.

■انقتل شب بجريمة تصاوب فيها قبل كم يوم بيافا ومبارح أعلنوا وفاته.

■الولد الصغير حيدر الأفغاني إللي وقع في البير قبل 3 أيام في أفغانستان طلعوه ميت.

■معظم الأخبار اليوم مليانة موت ووفاة للأسف ..الله يبعد عنكم الشر مش بايدينا لكن هذا إللي لقيناه قدامنا.

■اليوم حيروحوا أولادكم عالمدرسة ان شاء الله عالساعة سبعة ،حيرجعوا للتوقيت إللي قبل المنخفضات

■المشكلة انه اليوم حيرجع الجو يقلب ثاني ،يعني مش عارف شو فيها لو ضل هالتوقيت لرمضان ولا لآخر الفصل

■بكرة أول يوم لصرف المنحة القطرية الدفعة رقم 33.

■عدد العمال إللي بيشتغلوا باسرائيل من غزة حيزودوهم الفترة الجاية من 10 آلالاف لاطنعشر ألف عامل

■كيلو الجاج باحدعشر شيكل ونص وكيلو فخاد الحبش باطنعشر شيكل.

■بشكل عام السوق غالي هالأيام وياريت فيه حركة ولا حتى بتلاقي فيه فكة بينشف ريقك لو واحد بيعرفك بيفكلك عشرين شيكل وبيقلك كيف أنا معك ..

#صباح_الخير لكل واحد بيصون مرته وبيحترمها وبيعززها وبيكرمها وبيتعامل معها بما يرضى الله ، بيتعامل معها برجولة وبيجي ع حاله عشان يسعدها ويبسطها ويدللها ويحاول مهما ضاقت فيه الدنيا انه ما يجور عليها وتضل حامية بيته وسنده

#صباح_الخير لكل ست بتّقدر ظروف جوزها وبترضى بالعيشة عالحلوة والمرة وبتنكدش ع جوزها عالطلعة والنزلة وبتضل تطلب عالفاضي والمليان حتى لو عارفاه مفلس ، لكل ست بتلخمش جوزها اتصالات بسبب وبدون سبب ..لكل ست بتستنى جوزها عالغدا بسفرة مرتبة وشاف عصير من إللي بيحبه قلبك..

#يسعد_صباحكم والله يديم المحبة والوفق ويبعد عنكم شرور الناس
قولوا آمين 🙏

السبت 19-2-2022 🌹

ييسسلموو الامميرر
+ وردهةة

يسلمو ع المتابعة
عوافي

كل الشكر والتقدير

متابعة جيدة أخي
يعطيك ألف عافيه
ربي يسعدك ويحفظك
طابت صبااحااتك

بعين الله

عوافي

السلام عليكم ورحمة الله وبركاته



يسلمووووا ع الاخبار المنوعة والمتابعة



يعطيك الف عافية



بانتظار جديدك دائما







تحيتي

كل الشكر و التقدير

عوافي لنقل والمتابعه

يعطيك العافية