اخبار عالريق

#أخبار_عالريق 1056 يوم
✅يكتبها / #سعيد_الطويل
▪︎سقعة وشفشفة وبرد وقحمشة ونفخة واسهال ومغص وكحة و"بيرتك رتك" ولابس طاقية وبنطلونين داخليات وبلوزة قَبّة خنق ونايم بالجرابين ومتغطي ب3 حرامات ويادوب الواحد بيقدر يتدفى بهيك جو .

▪︎دبابيب حمرا أم العشرة شيكل وروس قلب من الموسم إللي فات وعروض للحب وديلفري بيوصل بكيس أسود للتمويه عشان مينمسكش وهدايا الشوكلاطة للخاطبين وعزايم الشاورما واللقيمات والكريبات ودلع أخوها الصغير إللي ملزق فيك

▪︎الله وكيلك بتدخل السوق بتلاقي الخضرة مولعة نار والحركة نايمة والبياعين الله يكون بعونهم وزعاق عالجوال باتصالات بيطالبوا بالديون وسواق صافف عالخط من الصبح وولد صغير مبطل من المدرسة وبيشتغل عتال بشيكل لأغراضك

▪︎فجأة ما بتشوف إلا خبر من القدس بتلاقي فيه ولد صغير يادوب عمره تلطعشر 13 سنة إلا هو شامط جندي ومازعه مزع ،بتلاقي الخبر نط ع قلبك نط قبل ما تلاقيه عالواتس أب والفيس بوك وبتقعد تنكش راس على بن غفير إللي رايح جاي بمكان العمليات

▪︎شب طويل وعريض بيلبس وبيتلبس وبيلمع البوت وبيتعطر عشان يروح يقعد ع راس الشارع بعد شوي بتخلص بطاريته وهو قاعد عالنت أبو الشيكل بيرجع عالدار وبيحط راسه وبينام من الزهق

▪︎بتطلع بالسيارة بتلاقيه يا إما فاتح دحية يا إما مشغل على الراديو على مذيع محدش سامعه وأول سؤال بتسمعه وكتيش الحرب يا سواق ،يا إما السواق بيطلع أشطر منهم وبيسألهم قبل ما يسألوه..

عموما ما بدنا نزهقكم عالصبح بأخبارنا إللي بتسم البدن ،قوموا هاتوا ب2 شيكل باكيت قرشلة من الخشنة مع كباية شاي ودفي قلبك #عالريق وتأقلم مع الوضع وقول #الحمد_لله احنا برضه بنعمة

-لو وصلتكم هذه النشرة سيبولنا تصبحية مرتبة منكم عشان الصفحة ماكلة هوا ..
ويا #صباح_الخير_والرزق🌹
الثلاثاء 14-2-2023

الله المستعان
شكراً لك للمتابعة

الله يعين الجميع
يعطيك العافية لادراجك القيم ..

ربنا يفرجها ع الكل

مشكورة على المتابعة ،

يسلمو للمتابعة
ما ننحرم حبيبتي..

ربنا يكون بالعون

يسعدكك ي عيني

الله يعين كل واحد ع همه
يسلمو ع المتابعه

اقتباس   المشاركة الأصلية كتبت بواسطة هل كان حباً الله المستعان شكراً لك للمتابعة

اقتباس   المشاركة الأصلية كتبت بواسطة الصياد الله يعين الجميع يعطيك العافية لادراجك القيم ..

اقتباس   المشاركة الأصلية كتبت بواسطة بيسان ربنا يفرجها ع الكل مشكورة على المتابعة ،

اقتباس   المشاركة الأصلية كتبت بواسطة نور الروح يسلمو للمتابعة ما ننحرم حبيبتي..

اقتباس   المشاركة الأصلية كتبت بواسطة عبث ♡ ربنا يكون بالعون يسعدكك ي عيني

اقتباس   المشاركة الأصلية كتبت بواسطة lonely heart الله يعين كل واحد ع همه يسلمو ع المتابعه

يا رب
اسعدني حضوركم الجميل

مشكورة للمتابعة و النقل
تحياتي

نورتووووني اجمل اعضاء