أخبار_عالريق

#أخبار_عالريق 1079 يوم
✅يكتبها / #سعيد_الطويل

▪︎أقل من أسبوع إن شاء الله ويهل علينا شهر الخير والسعادة والبركة كلها ..ربنا يبلغنا رمضان احنا واياكم والوضع بأحسن حال والأمور تكون تمام التمام ومحدش ناقصه حاجة

▪︎شكلها الحرب قربت ،تشتروش أواعي العيد ..العيد بالجنة أحسن ،خزنوا سحور بزيادة .. منشورات ملهاش أي لازمة إلنا كم يوم بنشوفها عالفيس ..يخوي تقلقوش واطمئنوا المكتوب مكتوب بس بدون تهويل وتأويل وبرم ملوش لازمة تخوفوش الناس ..قلوبها تعبانة

▪︎اليوم حيبدا صرف المنحة القطرية ال310 شواكل إللي عاملة حالها 100 دولار

▪︎شيكات الشؤون ملهاش علوم ومجدلاني مش فاضي حتى يصرح عن الموضوع

▪︎دوام مدارس الوكالة بيفرق عن الحكومة في رمضان ..فرق ساعة تقريبا

▪︎اليوم الوكالة حتدفع مساعدات بدل إيجار 6 أشهر لـ 84 عيلة من متضررين اخر عد.وان صار في شهر 8

▪︎كيلو الخيار بأربع شواكل والبندورة الحزينة بشكل واحد بس

▪︎الفروالة والكلمنتينا حبطرش بالبلد بخمس شواكل بتعبي تلاجتك

▪︎تعليمات جديد لأئمة التروايح من أوقاف غزة: محدش يلبس بنطلون بالصلاة وبس نص صفحة للركعة ومحدش يقرا من الجوال

▪︎الجو اليوم حيكون مرتب ومرستك وحرارته حلوة ان شاء الله

#صباح_الخير لأهل الخير.. الناس طيبة الملامح صاحبة القلوب الأصيلة البيضا إللي لا بتحقد ولا بتعرف للندالة طريق

#صباح_الخير للناس إللي بتحافظ عالود وبتصون العشرة وبتضلها مقرقطة فيكم وبتلمسلكم كبشة الأعذار لانها بتعزك وبتحبك

#صباح_الخير للناس المكلومة والموجوعة ..إللي الفقر هد حيلها ونهش بيوتها نهش ..ومحدش مدور عليهم ..الله يصبرهم ويعطيهم لما يرضيهم

#هلا_بالخميس🌹
16-3-2023

يسسللموو امميرر
+ وردهه

الله يبلغنا رمضان والجميع معنا وبخير
يعطيك العافيه لادراجك..

تسلم يا حج امير

كل الشكر والتقدير

يعطيك العافية
كل الشكر..

يعطيك العافيه

عواااافي للنقل

يعطيك العافية
كل الشكر..

السلام عليكم ورحمة الله وبركاته



يسلمووووا ع النشرة الاخبارية المنوعة



يعطيك الف عافية



بانتظار جديدك دائما







تحيتي