أخبار_عالريق

#أخبار_عالريق 677 يوم
✅يكتبها / #سعيد_الطويل

■أول حاجة بالنسبة للجو ،مبارح شوية ونحس حالنا بالصيف من حلاوة الشمس إللي طلعت ، المهم الفرحة هذه مش حتطول وحيجينا منخفض جديد بعد بكرة بتساهيل ربنا..

■شب عمره بالعشرينات وقع من فوق برج الأسـ ـرى بغزة ولسة الشرطة بتحقق تعرف السبب.

■شب ثاني اسمه عبد الحميد سلامة طخوه وانقتل بجريمة بشعة مبارح. بطولكرم .

■14حالة ماتت مبارح بالكورو نا ،وأعلنوا فوق ال4300 حالة جديدة هان وبالضفة.

■الصحة بتقول انه الأرقام إللي بتعلنها بعيدة عن الواقع ،وإللي بتسمعوه بس هي نتائج الناس إللي بتفحص ويتطلع أكثر من نصها مكورنة .

■الأيام الجاية الكور ونا حتشد حيلها أكثر من هيك ، والمدارس هي بؤرة الو،باء الأساسية بس شكله فش نية يسكروها عشان علماء الذرة ميروحش عليهم ولا فتفوتة بالمنهج

■توفت بنت صغيرة اسمها ياقوت رمزي بعد ما وقعت عليها حيطة شرق قلقيلية.

■لعله خير ..مصر ملهاش نصيب تفوز بكأس أفريقيا ،وانغلبت من السنغال بالبلنتيات آخر حاجة.

■طوش الملاعب برفح زادت عن حدها وفي حملات ومبادرات عشان يوقفوا التعصب بالتشجيع .

■المالية خاصمة مصاري من رواتب ومعاشات المتقاعدين والأمور مولعة معاهم.

■الدفاع المدني طفى مبارح حريقة كبيرة بمحل كوشوك برام الله وربك ستر.

■طوشة عائلية كبيرة واصابات بالخليل وسكروا الجامعة عشان الأمور يتسيطر عليها

■ المجلس الوطني انعقد غصب عن الجعيص بالبلد وإللي بدهم اياه كبار رام الله صار .

■حزب الشعب حضر أول خمس دقايق من الجلسة وانسحب .

■الشعبـ ـية طلعت مسيرات والانسحابات والاستقالات بالكبشات عشان المجلس الوطني بس برضه مش فارقة معاهم المهم وعملوه.

■كيلو الكوسا وكيلو الفليفلة وكيلو البتنجان بسبع شواكل ،يعني لو فكرت تعمل محاشي بتكلفك أكثر من ورك حبش معمول مندي

■اذا عيان ومفلوز ولا معك لفحة هوا روح اشتريلك رطل لمون ب2 شيكل وخليهم يعصرولك شاف لمون مرتب وضلك اشرب وادعيلنا ..وربنا يشفيك ..

#صباح_الخير للصيادين وسواقين عربيات الجاج إللي بينقلوا الأقفاص للسوق من الفجر ،ولعمال التكاتك إللي بيشيلوا بكس الخضار والبضاعة ولأصحاب المطاعم وأصحاب المخابز ،إللي بيبدا يومهم من قبل الفجر عشان يجهزوا الشغل ..الله يصبحهم بالخير الشقيانين إللي بياكلوا لقمتهم من عرق جبينهم .

#يسعد_صباحكم_بكل_الخير 🌹
الاثنين 7-2-2022

الله يفرجها بس
يسلموو امير

السلام عليكم ورحمة الله وبركاته



ويسعد صباحك اخي امير يسلموووووا ع النشرة الاخبارية المنوعة



يعطيك الف عافية ع المتابعة



بانتظار جديدك دائما

مشكور ع المتابعة

الله يفرجها يارب
متابعة جيدة أخي
ربي يسعدك

نورتو

يسلمو ع المتابعة

تسلم لنقل والمتابعه امير