أخبار_عالريق

#أخبار_عالريق 673 يوم
✅يكتبها / #سعيد_الطويل

■أول حاجة حمد لله عسلامة الجميع ،لانه شكله تلت ترباع اللي بتابعونا إما مكورنين أو مفلوزين.

■بتدخل الصيدلية بتحس حالك خاشش ع سوبر ماركت عامل عروض من كثر الناس إللي بتكحكح وجاية تاخذ علاجات.

■المهم أعداد الكورو نا هالأيام عنا خرافية ،مشفناش زيها من أيام الشيخين إللي انحجروا.

■مدير مجمع الشفاء الطبي بيقول انه
بكل دار في قطاع غزة في مصاب بأوميكرون ،..أصلا مبينة من غير ما تصرح

■احنا بعز ذروة الموجة الجديدة ،عشان هيك محدش طايق الثاني.

■اليوم أول يوم بشهر رجب ،يعني ضايل أقل من ستين يوم لرمضان الكريم،ربنا يبلغا اياه واحنا بأحسن حال.

■قصة رواتب السلطة قلنالكم بلشوا يطنطنوا فيها،حتنصرف بنسبة 80% ، أول الأسبوع الجاي ،وحيحسبوا العلاوة السنوية للموظفين.

■الجمعة والسبت الجايات راجع الجو ساقع أكثر من الموجة إللي فاتت والمطرة اللي جاية حتخلي رطل البزيلا بعشرة شيكل

■الفراولة لسة بتنباع بالعلب ومعلهاش طعم ولا الها ريحة ،من إللي بتفحفح.

■الرئيس عباس منح جمال محيسن "النجمة الكبرى" من وسام القدس وزبطه التزبيطة المرتبة

■كل الفصائل والرئاسة انبسطوا ع تقرير منظمة العفو الدولية ،إللي أدان جرايم الاحـتـ لال ونزلوا بيانات دعم اله.

■بيقلك أسعار الألبان والأجبان بالضفة تبعت الجنيدي صارت بالضفة أغلى من البضايع الاسرائلية

■مسكوا نشأت اللبناني إللي عامل حاله نبي وخلوه يعرف انه الله حق

■انقتل شب اسمه اياد عبيد من نابلس بسلاح مجهولين.

■شب فلسطيني من القدس باع داره وتبرع بحقها للاجئين السوريين.

■زلمة رايح عالمحكمة مبارح ومطلق نسوانه التنتين ،بيقلك جايباتله الضغط والسكري

-دراسة بتأكد انه بيزيد وفاء الرجل لمرته لما يصير معها كور ونا ومستعد ينحجر معها وينعدي منها عشان يضل يخدمها وما يخليها محتاجة حاجة ..

#صباح_الخير إللي قامت من تحت الحرام والدفا والعفا وتوضت وصلت واستغفرت ولبست وجهزت وتسهلت ع شغلها بعز السقعة.

#صباح_الخير لأصحاب النوايا الصافية والقلوب الطيبة والوجوه البشوشة ،إللي كلها رضا .

#صباح_الخير للناس إللي تاريخ ميلادها مميز 2-2 ،كل عام وانتوا بكل الخير

الأربعاء 2-2-2022 🌹

شكرا امير
يسعد صباحك

مشكور للأخبار
تحياتي لك

مشكور ع المتابعة

،

يسسسلموو الامميرر
+ وردهةة

كل الشكر و التقدير

متابعة جيدة أخي
ربي يسعدك

السلام عليكم ورحمة الله وبركاته



يسلموووووا ع النشرة الاخبارية المنوعة



يعطيك الف عافية ع المتابعة



بانتظار جديدك دائما

الله يفرجها عالكل
متابعه مميزه