أخبار_عالريق

#أخبار_عالريق 661 يوم
✅يكتبها / #سعيد_الطويل

■هالسقعة إللي شفناها اليومين إللي فاتوا ،عليم الله مشفناش زيها من أيام الروضة.

■البلديات بدها 50 مليون دولار عشان يصلحوا البنية التحتية بقطاع غزة.

■شهــ ـيدين بالضفة مبارح ،راجل طيب صار أيقونة بالدفاع عن الأرض اسمه سليمان الهذايين ، وشب جدع ثاني اسمه فالح جرادات تهموه انه بده ينفذ عملية.

■بلشوا يبعتوا رسائل لصرف ال100 دولار تبعت العمادي.

■بيحكوا انهم حجبوا إللي استفادوا 23 مرة من المنحة القطرية ؛وضافوا ناس ثانيين كانوا حاجبينهم قبل هيك.

■السلطة طلعت قرار بتعفي فيه أهالي غزة من رسوم معاملات "لم الشمل" .

■عيلة صالحة بالشيخ جراح رفضوا انهم يطلعوا من دارهم عشان اليــ ـهود ميهدموهاش ،وهددوا بحرقها

■وزارة العمل بغزة بتحكي انها قدمت فوق ال3700 بطالة سنة 2021 للخريجين.

■اشتية بيقول انه ال160مليون دولار تبعات مستشفي خالد الحسن للسرطان ،موجودة بالحفظ والصون تقلقوش.

■الوكالة بدها تزيد أعداد الناس إللي بتاخذ الكابونة الموحدة .

■الدفاع المدني نفذ 260 مهمة بأيام المنخفض الجوي بغزة.

■برضة فش انتخابات للبلديات بقطاع غزة بالمرحلة الثانية .

■المهم الأرصاد بتقلكم انه بكرة حيجي عنا منخفض جوي جديد ، ع أساس انه خلصنا من هذا.

#صباح_الخير وربنا ينولكم إللي ببالكم
ويسهل أموركم
الثلاثاء 18-1-2022 🌹

يسعد صباحك

مشكور ع المتابعة

وزارة العمل بغزة بتحكي انها قدمت فوق ال3700 بطالة سنة 2021 للخريجين.

معقول انا عايش برا غزة
وين الحجات هاي الواحد ما بيشوفها

شكرًا لك

يسعد صباحك و مشكور ع المتابعة
فعلاً السقعة اليوم الصبح رهيبة

هالرقم المكتوب صح 3700 بطالة فاخورين هماا بهدا العدد يعني
اذا كان الخريجين لحالهم 60 الف والعمال قد و اكثر ..
يعطيك العافية لادراجك ..

متابعه مميزه شكرا لك

ممتآابعةة مميزةة

يسلموو ع المتابعة الجيدة
يعطيك ألف عافيه
ربي يسعدك أخي

السلام عليكم ورحمة الله وبركاته


يسلمووووا ع النشرة الاخبارية المنوعة



يعطيك الف عافية



بانتظار جديدك دائما





تحيتي