أخبار_عالريق

#أخبار_عالريق 622 يوم
✅يكتبها/#سعيد_الطويل

■فكوا الإضراب تبع الوكالة ، وتحققك مطالب الموظفين ،ورجع الكل اليوم عالدوام ،ودايما فش حق بيضيع وراه مطالب.

■المهم الصحيات وعيادات الوكالة حتكون اليوم زحمة نسوان مش طبيعية ،اللي عندها مشوار للعلاج عالعيادة تأجلوا ..

■ان شاء الله بنسمع خبر كويس عن قضية الأسيرين المضربين وبنفرح بفك اضرابهم هاليومين من خاطر أهاليهم

■المنحة القطرية تبعت الموظفين خشت والأمور تمام التمام وهاليومين حيعلنوا عن آلية التوزيع

■توفى مبارح عبد السلام صيام رئيس لجنة العمل الحكومي السابق وأحد أذرع السنو،،ار إللي كان بيعتمد عليها.

■سلموا اليــ ـهود لغزة 6 حسكات صيد الها محجوزة عندهم من فترة طويلة

■بيقلك داخلية رام الله عملت زفة للخبر السار جدا عشان أصدروا جواز السفر البيومتري الفلسطيني أول السنة الجاية، بيشتغل ع بصمة الأصبع

■اليــ ـهود اعتقلوا مبارح عن حاجز ايرز التاجر محمود سامي أحمد .

■اشتية بيحكي انه الوضع صعب وهينا بنحاول ندبر رواتب الموظفين لهذا الشهر بالعافية

■ناصر القدرة بيقلك انه الوضع جوا فتح صعب عالاخر ،شكرا للتوضيح يا دكتور

■اوردغان مخبص بالعمار ،وشكلها الأمور رايحة لتطبيع جامد مع "اسرائيل"

■دراسة بتأكد انه يوم الاضراب تبع مبارح اعتبروه أولاد المدارس انه بيسوى شهر من أيام الحجر لانه أجا ع شوق وعطش وفجأة هيك بدون مقدمات.

■عاملين عرض على القشاطة هذه اللي بتبخ مية لحالها وبتنشف ب15 شيكل .

■لسة الكور ونا الجديدة موصلتش عنا .

■هذه يا معلم قاعدين بيعملوا توسيعات بمستشفى الامراض النفسية بغزة ،لانه بطلت تكفي العدد الموجود إللي بيزيد كل فترة ،الله يكون بالعون.

#صباح_الخير عالقرفانين هيك بدون سبب،، عالزهقانين حتى وهما طاشين،، للناس إللي بتكون قاعدة بعيد الميلاد وقدامها الككسة والقسماط وبرضه مش مبسوطة ،للناس إللي حظها دايما ضارب نحس ،وبتحسها انه مش زابطة معاها ولا حاجة ،وفجاة بيزيد الطين بلة وبتنكسر شاشة جواله ..
هذه الناس بالذات اليوم بدنا نصبح عليها وندعليها ربنا يهدي سرهم ويريح بالهم

#يسعد_صباحكم 🍀
الثلاثاء 30-11-2021

يسسلموو الاممييررر
وردهةة

يسلمو الامير ع المتابعه
ويسعد اوقاتك

متابعة جيدة أخي

أسعدك الله

السلام عليكم ورحمة الله وبركاته



يسلموووووووا ع النشرة الاخبارية المنوعة



يعطيك الف عافية



بانتظار جديدك دائما







تحيتي